Pentaqon rəsmisi tanışlıq saytında dövlət sirlərini yaydığına görə işdən qovuldu

Pentaqonun radiasiya-kimyəvi təhlükəsizlik üzrə rəhbəri Endryu Haqq vəzifəsindən kənarlaşdırılıb.

Sonxeber.az "CBS News" telekanalına istinadən xəbər verir ki, bunu ABŞ müdafiə naziri Pit Heqset mətbuat konfransında söyləyib.

Nazir Endryu Haqq vəzifəsindən kənarlaşma səbəbinin onun tanışlıq tətbiqində bir qadına məxfi məlumatları açıqlaması ilə bağlı yayılan xəbərlər olduğunu bildirib.

ABŞ müdafiə naziri qeyd edib ki, nazirlik məlumat sızmalarına ciddi yanaşır və daim daxili təhdidləri izləyir.

Pit Heqset həmçinin qeyd edib ki, məxfi məlumatlara əsaslanan materialların dərc edilməsi ciddi risklər yarada bilər.

Qeyd edək ki, Ceyms O`Kif ötən həftə "X" hesabında gizli kamera ilə çəkilmiş video paylaşıb. Jurnalist, həmçinin iddia edib ki, Endryu Haqq ABŞ-nin sinirləri iflic edən maddələrə sahib olmasından və orduda kimyaçının radiasiyaya məruz qalaraq ölməsindən danışıb.

Telegramda izləyin