Qəfil ölən keçmiş səfir tanınmış şəxsin QARDAŞI İMİŞ - FOTO

Ötən gün qəfil dünyasını dəyişən Azərbaycanın Gürcüstandakı keçmiş fövqəladə və səlahiyyətli səfiri Dursun Həsənovun hansı tanınmış şəxsin qardaşı olduğu üzə çıxıb.

Oxu.Az "Unikal"a istinadən xəbər verir ki, o, xarici işlər nazirinin sabiq müavini Ramiz Həsənovun qardaşı imiş.
10:54

Azərbaycanın Gürcüstandakı keçmiş fövqəladə və səlahiyyətli səfiri Dursun Həsənov Bakıda, yaşadığı evdə dünyasını dəyişib.

Oxu.Az Nocomment.az-a istinadən xəbər verir ki, onun ölüm səbəbi məlum olub.

Mərhumun ürək çatışmazlığından (infarkt) öldüyü bildirilir.

Qeyd edək ki, bu gün saat 11:00-da Təzə Pir məscidində Dursun Həsənovla vida mərasimi olacaq.

Mərhum Bakıda dəfn olunacaq.

01:16

Azərbaycanın Gürcüstandakı keçmiş fövqəladə və səlahiyyətli səfiri Dursun Həsənov vəfat edib.

Oxu.Az bu barədə Aktual.ge-yə istinadən xəbər verir.

Məlumata görə, o, Bakıdakı evində dünyasını dəyişib. Mərhum iyunun 13-də Bakı şəhərində dəfn olunacaq.

Qeyd edək ki, Dursun Həsənov əslən Marneuli rayonunun Algeti kəndindəndir. O, 2017-2020-ci illərdə Azərbaycanın Gürcüstandakı fövqəladə və səlahiyyətli səfiri vəzifəsində çalışıb.

Telegramda izləyin