ABŞ Karib dənizində narkotik daşıyan gəmiyə zərbə endirib - VİDEO

ABŞ hərbi qüvvələri Karib dənizində narkotik vasitələr daşıyan növbəti gəmiyə zərbə endirib.

Oxu.Az xəbər verir ki, bu barədə ABŞ Silahlı Qüvvələrinin Cənub Komandanlığı "X" hesabında məlumat yayıb.

Hadisə nəticəsində iki nəfər həyatını itirib, altı nəfər isə sağ qalıb.

Qeyd olunub ki, kəşfiyyat məlumatlarına əsasən, gəmi Karib dənizindəki məlum narkotik qaçaqmalçılığı marşrutları ilə irəliləyib və narkotrafik üçün istifadə edilib.

"Cənub Komandanlığı axtarış-xilasetmə sistemini aktivləşdirmək üçün bu barədə dərhal ABŞ Sahil Mühafizəsinə xəbərdarlıq edib", - deyə məlumatda qeyd olunub.

ABŞ mətbuatının məlumatlarına görə, ötən ilin payızında başlayan əməliyyatlardan bəri ABŞ ordusunun narkotacirlər tərəfindən istifadə edildiyi güman edilən katerlərə endirdiyi zərbələr nəticəsində 200-dən çox insan ölüb.

Telegramda izləyin