Sea Breeze Marina Village-də "Mamounia Marina" Restoranı Fəaliyyətə Başladı

Xəzər sahilinin ən prestijli məkanlarından biri olan Sea Breeze Marina Village yeni gastronomik ünvanla zənginləşib. Mərakeş üslubu, Şərq qonaqpərvərliyi və müasir rahatlığı bir araya gətirən Mamounia Marina restoranı qonaqlarının istifadəsinə verilib.

Restoran özünəməxsus konsepti, zərif interyeri və dənizkənarı atmosferi ilə seçilir. Mərakeş memarlığından ilhamlanan dizayn, isti rəng çalarları, dekorativ elementlər və rahat məkan həlləri qonaqlara fərqli istirahət təcrübəsi təqdim edir.

"Mamounia Marina"nın menyusunda Azərbaycan və Avropa mətbəxinin seçilmiş təamları ilə yanaşı, ənənəvi Mərakeş ədviyyatları və reseptləri əsasında hazırlanmış xüsusi yeməklər yer alır. Restoranın çay mərasimləri, xüsusi desertləri və Mərakeş qəlyan konsepti isə məkanın fərqləndirici xüsusiyyətlərindəndir.

Geniş zalı və yay terrasları ilə diqqət çəkən restoran həm ailəvi naharlar, həm dostlarla görüşlər, həm də işgüzar yeməklər üçün ideal seçim hesab olunur. Axşam saatlarında təqdim olunan canlı musiqi proqramları isə qonaqlara unudulmaz atmosfer bəxş edir.

Sea Breeze Marina Village-də yerləşən Mamounia Marina restoranı artıq qonaqlarını qəbul edir və paytaxtın yeni premium istirahət məkanlarından biridir.

Telegramda izləyin