İsraildə seçkilər: Netanyahu qalib gəlib? - Son nəticələr açıqlandı

İsraildə parlament seçkilərindən sonra Benyamin Netanyahu ilə müxalifət arasında hakimiyyət uğrunda mübarizə davam edir.

Sonxeber.az The Jerusalem Post-a istinadən xəbər verir ki, ilkin nəticələr Netanyahu tərəfdarlarının blokunun öndə olduğunu göstərsə də, hökuməti formalaşdırmaq üçün tələb olunan parlament çoxluğu hələ təmin olunmayıb.

Səslərin 57,3 faizi hesablanarkən Netanyahu tərəfdarlarının bloku 55 mandat, müxalifət isə 49 mandat əldə edib. Ərəb partiyalarının 16 mandatı da hökumətin formalaşdırılması prosesində mühüm rol oynaya bilər.

Netanyahu seçkidən sonra sağçı hökumət qurmaq istədiyini bildirib. Müxalifət lideri Qadi Ayzenkot isə seçicilərin dəyişiklik istədiyini və Netanyahu-nun hakimiyyətdən getməli olduğunu bəyan edib.

Beləliklə, seçkinin nəticələri İsraildə yeni hökumətin kim tərəfindən formalaşdırılacağı sualını açıq saxlayır. Netanyahu tərəfdarlarının öndə olması onun baş nazir vəzifəsini davam etdirəcəyinə zəmanət vermir. Yekun nəticələr və koalisiya danışıqları həlledici olacaq.

Müəllif: İlkin Məmmədkərimov

Telegramda izləyin