Ermənilərin ələ keçirmək istədiyi yeni torpaqlar

Seçkilərdən sonra Ermənistanda yeni canfəşanlıq başlayıb

Emmanuel Makron prezident seçilərsə, Fransada erməni mərkəzlərinin yaradılmasını dəstəkləyəcək.

Bu barədə Fransada dərc olunan "Nor Yarac" erməni qəzetinin baş redaktoru Jirayr Çolakyan "Lragir"ə bildirib.

Onun sözlərinə görə, Emmanuel Makron seçkiqabağı ermənilərə bir neçə vacib vəd verib: "O cümlədən, o, erməni mərkəzlərinin yaradılması ideyasını dəstəkləyəcəyinə vəd verdi. Makronun ermənilərin problemləri ilə tanış olması və plan hazırlanması üçün hazırda erməni təşkilatlarının koordinasiya komitəsi Makronla ilk əlaqələr qurur".

Jirayr Çolakyanın sözlərinə görə, ermənilər Milli Cəbhənin nümayəndəsi Marin Le Peni yox, Emmanul Makronu prezident kimi görmək istəyirlər. Halbuki, seçkiqabağı "Nouvelles d'Armenie" nəşrinə müsahibə verən Mari Le Pen bildirib ki, münaqişənin həll olunması üçün Dağlıq Qarabağ Ermənistana birləşdirilməlidir.
"SSRİ-nin dağılmasından sonra beynəlxalq sərhədlər özbaşına oldu. Əks təqdirdə Bakı və İrəvan arasında Dağlıq Qarabağın Ermənistanın tərkibində qalması ilə bağlı razılıq olardı. Fransa Yaxın Şərqdə xristianların müdafiəsi üzrə liderliyi ələ almalıdır", - deyə o bildirib.

Lakin buna baxmayaraq, ermənilər Marin Le Peni yox, Emmanul Makronu prezident görmək istəyirlər. Jirayr Çolakyan bunun səbəbini açıqlayıb:

"Marin Le Pen daha mühafizəkardır və o cümlədən, miqrantlara qarşı radikal-sağ baxışlara malikdir. Ermənilərin əksəriyyəti miqrantların törəmələridir. Bu müəyyən qələr erməniləri Le Pendən uzaqlaşdırır".

Məsələ aydındır, Le Pen miqrantların, o cümlədən ermənilərin Fransaya yerləşməsinin əleyhinədir. Bunu görə, hətta Qarabağın Ermənistana verilməsinə çalışır ki, ermənilər müharibə qorxusu altında öz ölkələrini tərk etməsinlər. Ermənilər isə belə görünür, 150 il qabaq həyata keçirmək istədikləri yeni torpaqlar ələ keçirmək ideyasını gerçəkləşdirmək istəyirlər.

Həmin ideyaya görə, ermənilər okeanlara çıxışı olan iri mərkəzlər yaratmalıdırlar və həmin mərkəzlərə yerləşməlidirlər. Bu, bütünlükdə ermənilərin dünya ticarətindən böyük pullar qazanmasına imkan yarada bilər. Artıq iki belə mərkəz var - Rusiyada Krasnodar və ABŞ-da San-Fransisko. Görünür, ermənilər üçüncü mərkəzi Fransada yaratmaq istəyirlər.

Mənbə:istipress

Telegramda izləyin

instagramda izləyin