3-cü dəfə ayrılan Azəri qızı Günelin uğursuz SEVGİ HEKAYƏSİ

Xəbər verdiyimiz kimi, Azəri Günel 3-cü dəfə nişanını qaytarması barəsində xəbərlər yayılıb.

Sənətçinin ilk nişanlısı Türkiyədə yaşayan əslən azərbaycanlı iş adamı olan Rza Zərrab olub. İş adamı müsahibələrinin birin də Günelin onu aldatdığı üçün ayrıldığını bildirib:

"Günel məndən əvvəl Ramin adlı bir nəfərlə 3 il sevgili olub. Ramin Günellə sevgili olduğu zaman Ulduz adlı bir qızı hamilə buraxıb. Ramin Ulduzla evlənmək məcburiyyətində qalıb və Güneldən ayrılıb. Günellə münasibətlərimizin 4-cü ilində bir restoranda idik. Anası da orada idi. Mən həmin vaxtlar Dubayda yaşayır, Günel üçün arada İstanbula gəlirdim. Restoranda oturarkən birdən onun telefonuna SMS gəldi, qəfil telefonu aldım. Telefonda "Aşkım, seni seviyorum" məzmunlu mesaj vardı. Mesajı göndərən Günelin məndən əvvəlki sevgilisi idi. Dərhal Raminə zəng etdim və telefonun səsini ucaltdım.

Ramin dedi ki, Günel mütəmadi olaraq ona zəng edirdi, sevdiyini deyirdi. Və həyat yoldaşı da bunu öyrəndiyi üçün 1 ay əvvəl boşanıb. Günel bütün bunlara bir cavab vermədi. Mən sonradan Ulduzu Azərbaycanda tapdım və bunun həqiqət olduğunu öyrəndim. Mən Günelin bu səhvini əfv etdim".

Eks-sevgilisi Reza Zerrabla səsli-küylü ayrılmadan elə də uzun olmayan fasilədən sonra İnanc Başəyməzlə nişanlanan Günelin yenidən tək olması xəbəri yalan çıxdı. Düzdür, Günelin jurnalistlərin şəxsi həyatı ilə bağlı ona ünvanladığı suallardan qaçması bu şayiələri müəyyən mənada doğruladı.

Qeyd edək ki, Türkiyə vətəndaşı olan İnanc Başəyməz Günellə Türkiyədə orta məktəbdə bir yerdə oxuyub. İnanc uzun müddətdir onunla ailə qurmaq niyyətində olub. Müğənni isə İnancı özündən razı, lovğa zənn etdiyi üçün ona könül vermək istəməyib.

İki dəfə uğursuz nişanlılıq keçirən Günel sonuncu dəfə türkiyəli iş adamı Cem Ozan Torunlar adlı şəxslə ailə həyatı qurmağa hazırlaşırdı.

Cem Ozan Torun 14 yaşından Hollandiyada yaşayıb. Ailəsi 35 ildir ki, qida biznesi (Hollandiyada "Zozo" adlı pizza restoranları var) ilə məşğuldur. Cem Ozan 14-15 yaşlarından bu işdə çalışıb.

Qeyd edək ki, Günel və nişanlısı Ozan ilə birlikdə pizza biznesi qurub.

Telegramda izləyin