"Səkkiz" serialının qala gecəsi keçiriləcək!

Azərbaycanda kino ictimaiyyətinin diqqətini cəlb edəcək qanlı və sarsıdıcı filmin qala gecəsi baş tutacaq.

Sonxeber.az məlumat verir ki, Quruluşçu rejisorunun Hikmət Rəhimov olduğu - məktəbli qızının intiharından sonra həyat ruhunu tamamilə itirən bir atanın qanla yazılan qisas hekayəsindən bəhs edən "Səkkiz" serialının birinci bölümü ilk dəfə olaraq tamaşaçı qarşısına Qala Gecəsi formatında çıxarılacaq.

Cəmiyyətdə sakit və adi biri kimi görünən, lakin daxilində idarəolunmaz, qaranlıq və zorakılıqla dolu bir dünyanı gizlədən kişinin faciəvi taleyi serialın əsas xəttini təşkil edir. Nəfəs kəsən süjetə malik, 18+ reytinqi ilə təqdim olunan "Səkkiz" serialı artıq ilk hissəsindən tamaşaçını psixoloji gərginliyin mərkəzinə çəkəcək.

Serialın qala gecəsi Park Cinema kinoteatrında keçiriləcək. Tədbirdə filmin aktyor heyəti və yaradıcı komandası da iştirak edəcək. Tamaşaçılar serialın ilk bölümünü böyük ekranda, xüsusi təqdimatla izləmək imkanı qazanacaqlar.

"Səkkiz" serialının qala gecəsi Azərbaycan kino məkanında ilin ən çox müzakirə olunacaq hadisələrindən biri olmağa namizəddir.

Telegramda izləyin