Bakıda həkimlər qopan qolu yerinə tikdilər

26 yaşlı xəstənin əməliyyatı 10 saat davam edib.

Bakıda həkimlər amputasiya edilən əli yerinə bərpa ediblər.

Sonxeber.az anspress-ə istindən bildirir ki, replantasiya əməliyyatı Gömrük Hospitalında aparılıb.

Hospitala müraciət edən 26 yaşlı pasient C.A.Muradovun əməliyyatı hospitalın mütəxəssisləri - tibb elmləri namizədi, travmatoloq-ortoped Ramin Rzayev, tibb elmləri namizədi, damar cərrahı Sabuhi Dadaşov, tibb elmləri namizədi, həkim-cərrah Namiq Bədirxanov tərəfindən həyata keçirilib.

Sağ qolu travma nəticəsində amputasiya olmuş xəstə Mərkəzi Hospitalda əməliyyata alınıb, 10 saatlıq əməliyyatdan sonra replantasiya (kəsilmiş toxumanın tikilməsi) uğurla başa çatdırılıb.

26 yaşlı pasient C.A.Muradov əməliyyatdan sonra

Xəstənin travma nəticəsində qopmuş sağ qolunun uzun müddət qanla təchizatının olmamasına və bu cür hallarda əməliyyatın uğurlu keçməsi ehtimalının az olmasına baxmayaraq, həkimlərin səyi nəticəsində travma almış arterial və venoz damarlar, bazu sümüyü və əzələlər, eyni zamanda sinir damarları müvəffəqiyyətli şəkildə bərpa edilib.

Əməliyyatdan sonrakı dövrdə qolun qanla təchizatı tam bərpa edilib.

Xəstənin əmək qabiliyyətinin bərpası 8-12 ay ərzində nəzərdə tutulur.

Telegramda izləyin

instagramda izləyin