Sərxoş icra başçısı şəhidlərimizi söydü - Azərbaycanda

"Təxminən gecə saat 00:30 radələri olardı. Başçı polis rəisi ilə birlikdə son dərəcə sərxoş halda qarovul etdiyim əraziyə gəldi. Sonra məni təhqir etməyə başladı. Rayon rəhbəridir deyib səbrimi basdım ki, yola gətirim xeyiri olmadı. Ölümü söydü ona şəhidimiz olduğun dedikdən sonra "Sənin şəhidiyin gorunu ....", - dedi və üstümə gələrək üzümə möhkəm yumruq zərbəsi endirdi. O qədər sərxoş idi ki, məni vurandan sonra özü də yıxıldı...", bu sözləri Xeber.News-a açıqlamasında icra başçısı trəfindən döyülən şəxs Rahil Əliyev bildirib.

Zərərçəkən şəxs Əliyev Rahil Əvəz oğlu 1984-cü ildə Beyləqan rayonunda anadan olub. O uşaqlıqdan rayon ərazisində tikinti sahəsində necə deyərlər halal zəhməti ilə dolanır. Rayon ərazisində isə onu tanıyanlar arasında, zəhmətkeş və mehriban insan kimi imic qazanıb. Rayonun Heydər Əliyev prospekti, ev 14 ünvanında beş qardaşı ilə eyni ünvanda yaşayır. O Beyləqan Rayon İcra Hakimiyyəti başçısı Vaqif Abdullayevlə aralarında baş verən hadisənin nədən qaynaqlanmasını da ətraflı şəkildə açıqlamaqdan boyun qaçırmadı:

"Bir aydan artıqdır ki rayonda Beyləqan Olimpia Kompleksinin tikintisinə başlanılıb. Tikintini gedən ərazidə kiçik qardaşımla birgə gözətçi işində işləyirdim. Həmin vaxt meydança ərazisində qazıntıdan çıxarılan beş ədəd dəmir boru var idi. Həmin boruları başçının özünün göstərişi ilə meydançanın geyinib-soyunma otağına qoymuşdum. Sonra rayonda konsert keçirildiyi üçün və incəsənət xadimlərinə maneçilik törətdiyi üçün həmin boruları meydançaya – digər tikinti materialları yığılan əraziyə qoymalı olduq. Bir neçə gün sonra yuxarının göstərişi ilə tikinti aparan şirkətin başqa şirkətlə əvəz olunması barədə göstəriş verildi. Başçı isə boruların ərazidən götürülməsi barədə rayonun Bələdiyyə sədirinə göstəriş vermişdi. Bir gün əraziyə nəzər yetirən zaman həmin borunun orada olmamasını görüb bələdiyyə sədri Novruz (Novruz Quliyev) müəllimlə telefon əlaqə saxladım. O danışıq zamanı borunu onlar tərfindən aparılmadığını bildirdi. Daha sonra müəyyən etdim ki, borular 90-JX-380 dövlət nömrə nişanlı "Shagman" markalı yük maşını ilə təmirə (çox günman ki, rənglənməyə) aparılıb. Mən dərhal məlumatı Novruz müəllimə bildirdim. O isə razılaşdı...", - Rahil Əliyev – İfadə edir.

Necə deyərlər işin "həngaməsi" də məhs elə bu hadisədən sonra başlayıb. Belə ki, başçı gecə saat 00-30 radələrində tikinti gedən əraziyə gələrək Rahilin oturduğu qarolxana otağına girib:

"Demək olar ki, yeriyə bilməyəcək həddə kefliydilər. Polis rəisi ilə birlikdə İçəri girdilər. Sən demə polis rəisi Füzuli Sıxəliyev telefonla zəng edib qardaşım İlkin Əliyevi də çağırıb. Qardaşım gəldikdən sonra başçı rəisə dedi ki, "Bu banditlərin hər ikisini apar at içəri! Ciblərinə narkotik qoyub hər ikisin ilim-ayaq itir" Qardaşım başçıdan nə üçün belə etdiyini soruşanda o bizi boru oğurluğu ilə ittiham elədi. Və başladı söyüşə... Rayon rəhbəridir deyib səbrimi basdım ki, yola gətirim xeyri olmadı. Ölümü söydü ona şəhidimiz olduğun dedikdən sonra o üzümə qarşı şəhid dayımın goruna söydü. Daha sonra üz nahiyəmə bərk yumuruq zərbəsi endirdi. O qədər sərxoş idi ki, məni vurandan sonra özü də yıxıldı. Mənim burnumdan şiddətli qanaxma başladı. Həmin vaxt rayonun bələdiyyə sədri Novruz Quliyevi də ora çağırmışdı. Bizimlə birgə Novruz müəllimində ünvanına təhqir edici və alçaldıcı söyüclər yağdırırdı. Mən yerdə qanın içində olmağıma baxmayaraq polis rəisi ilə birlikdə başladılar yenidən döyməyə...", Rahil Əliyev – ifadə edir.

Həmsöhbətimin bildirdiklərinə görə, əraziyə bulaşan qanın təmizlənəsi üçün Polis rəisi ora 10 nəfərə yaxın polis serjantı çağırtdırıb:

"Məni və qardaşımı aparan da bu boru işindən cənab nazirin xəbərdar olduğunu bildirdim. (Çünki həmin borulardan bayraq asmaq üçün istifadə edəcəkdilər) O bu sözlərdən sonra nazirin və ölkə rəhbərinin ünvanına ağır təhqiredici söyüş yağdırdı. Bizi polis şöbəsinə gətirdikdən sonra mənə tibbi yardım göstərilməyi xahiş etdim. Ancaq iki saata yaxın həkim çağırmadılar. Həmin vaxt təxminən 1 litrdən artıq qan itirmişdim. Tibbi yardım göstərildikdən sonra qanaxmam qismən dayandı. Təxminən gecə saat beş radələrindən sonra (Məsələyə Gənclər İdman Nazirliyi qarışandan sonra) bizi evə buraxdılar."

Baş verən hadisədən sonra burnun sümüyünün sınması xəsarəti alan Rahillə maraqlanan olmayıb. Məsələ ictimailəşdikdən sonra isə demək olar ki, hadisədə adları çəkilən "kürsü sahibləri" ailənin qapısına ard-arda "elçilər" göndərməyə başlayıblar:

"Rayonda hörmət sahibi olan hərkəsi xahişə göndərir. Hətta burnumun əməliyyatı və beş min manat pul da təklif olunub. Amma razılaşa bilmərəm. O mənim üzümə qarşı cəbhədə şəhid olan dayımın goruna və bizim dövlət atributumuz olan ölkə prezidentimizə söyüb..."

Zərərçəkən Rahil Əliyev mətbuat vasitəsi ilə dövlət rəsmilərindən bu hadisəyə ədalətlə baxılmasını tələb edir.

Xatırladaq ki, zərəçəkən öz ifadəsində hadisə baş verən günü Beyləqan Rayon İcra Hakimiyyəti başçısı Vaqif Abdullayev rayon ərazisində yerləşən restoranların birində təşkil olunmuş ziyafətdə Rayon Polis Şöbəsinin rəisi Füzuli Şıxəliyev, rayon prokroru Azər Osmanov və Rayon Bələdiyyəsinin sədri Novruz Quliyevlə birgə "yeyib-içdiklərini" bildirib.

Xeyli sayda rayon sakinin şahidi olduğu məsələ ilə bağlı əməkdaşımız RİH başçısının birinci müavini Telman Məstəliyevlə əlaqə saxlasa da o belə hadisənin baş vermədiyini dilə gətirib.

Məsələ ilə bağlı qarşı tərəfin mövqeyini dərc etməyə hazırıq.

Telegramda izləyin

instagramda izləyin