Böyük Səhrada qədim sivilizasiya izləri — Tarixin gizli qatları

Günümüzdə Afrika qitəsindəki Böyük Səhra ucsuz-bucaqsız qum səhrasııdır.

Sonxeber.az "ölkə.az"a istinadla xəbər verir ki, bu səhranın ərazisi 6 milyon kvadrat kilometrdir. Burada yaşayan insan sayı dünyada ən az insan sayı hesab edilir. Adambaşına 3 kvadrat kilometr ərazi düşür.

Amma qədim dövrdə Böyük Səhra heç də qumlarla örtülü olmayıb. Bəşəriyyət XX əsrin əvvəllərinə qədər buraya fikir vermirdi.

İnsanlar Böyük Səhranı ancaq kommersiya məqsədi ilə tədqiq etməyə başladılar. Fransız ixtiraçı Oqüst Muşo ilk günəş enerji qurğusunu tikib və Böyük Səhraya səfər edib ki, vəziyyətlə tanış olsun. Onun dostu Jak Lepeu da bu səfərdə iştirak edib. Jak Muşonun günəş batareyası qurduğu qayanın üzərindəki təsvirləri diqqətlə nəzərdən keçirir. Lepeu bu təsvirlərlə maraqlanmağa başlayır və bir il sonra ekspedisiya qrupu ilə Tassilin-Acera rayonunda çoxsaylı təsvirlər kəşf edilir. Bu təsvirlər ərazi sakinlərinin müxtəlif həyat tərzini əks etdirirdi.

Bir müddət sonra isə Lepeunun işini davam etdirən digər tədqiqatçılar müasir Böyük Səhra ərazisində kifayət qədər inkişaf etmiş sivilizasiya izlərinə rast gəldilər. Təsvirlərdə inkişaf dinamikası-maldar tayfalardan tutmuş ilk iri yaşayış məntəqələrinə qədər, cəmiyyətin inkişaf mərhələləri təsvir edilmişdi.

Məlum olub ki, bu sivilizasiya 12 min il əvvəl başlayıb və eramızdan əvvəl 5-ci minilliyə qədər davam edib. Afrikanın ilk rəsmi sivilizasiya sayılan Qədim Misir sivilizasiyası isə tarix səhnəsinə daha gec çıxıb.

Geoloqlar isə daha maraqlı bir faktı üzə çıxarıblar. Məlum olub ki, Böyük Səhra eramızdan əvvəl 5-ci minillikdə səhraya çevrilib. Bu dövrə qədər region tropik oazis olub: cəngəlliklər, göllər, quşlar və heyvanlar. Qəflətən hansısa fəlakət nəticəsində region məhv olub.

Elmə əsaslansaq, regionda iqlimin qəflətən daha quru iqlimlə dəyişməsi, yağıntı miqdarının yüz dəfə azalması regionun məhvinə səbəb olub. Bildirilir ki, bu proses bir neçə yüz il davam edib.
Amma bəzi alimlər bu rəsmi versiyanı qəbul etmədilər. Anri Lot adlı fransız tədqiqatçı etnoqraf idi və arxeoloq kimi də işləyirdi. O, Afrikanın qədim mədəniyyətini tədqiq edirdi.

Lot axtarışlara Tassilin-Acera rayonunda başladı. 20 illik zəhmət bəhrəsini verdi. Alim sirli sivilizasiyanın bütün özəlliklərini tədqiq etdi. Eyni zamanda sübut etdi ki, bu sivilizasiya Aralıq dənizi və şimali-şərqi Afrika mədəniyyətləri ilə əlaqəli olub.

Lot həm də bu dövlətin etnik tərkibini də müəyyən edib. Məlum olub ki, ərazidə yaşayan insanlar nəinki fərqli millətlərin, eyni zamanda fərqli irqlərin nümayəndələri də olublar.

Alimin ən maraqlı kəşfi Axaqqar rayonunda üzə çıxıb. Axaqqarın bir neçə yerində qeyri-adi tapıntılar aşkar edilib. Bu isə insanabənzər, qeyri-adi geyimi olan fiqurlar idi. Bu fiqurların paltarı dalğıc paltarı və ya kosmonavt skafandrına bənzəyir. Lot əvvəlcə yadplanetlilərlə əlaqə fikrinə şübhə ilə yanaşır. O, bildirir ki, ya hansısa nağıl qəhrəmanı, ya da kahinlərin fiqurunu tapıb. Amma sonradan bu tip tapıntılar Böyük Səhranın digər ərazilərində də tapıldı. Alim artıq fikrini dəyişmək məcburiyyətində qalır. Bundan başqa bəzi rəsmlərdə qeyri-adi məxluqlar insanlara qarşı düşmən münasibəti göstərdiyi əks edilib.
Bu rəsmləri bir detal birləşdirir-onlar hamısı eyni vaxtda çəkilib. Rəsmlərin qayalarda peyda olma vaxtı 50 ildən çox deyil. Lot bildirib ki, Böyük Səhra sivilizasiyası təbii kataklizmalardan yox, sirli yadplanetlilər tərəfindən məhv edilib.

Təbii ki, elm dünyası Lotun hipotezini tənqid etdi. Amma bu, alimi dayandırmadı. O, Afrikada və Cənubi Ameriakda axtarışlarını davam etdirir. Buralarda isə o, Afrikada tapılan fiqurlara bənzər fiqurlar tapır.

Lotun hipotezinə əsasən, eramızdan 5 min il əvvəl Yerə kosmosdan yadplanetlilər uçub gəliblər. Onlarla əcdadlarımız arasında münaqişə olub. Münaqişə nəticəsində planetimizin sivilizasiyası məhv edilib...

Telegramda izləyin