Azərbaycanın ət aldığı ölkələr - SİYAHI

2018-ci ilin yanvar-iyul aylarında Azərbaycana quş əti və onun əlavə məhsulların idxalı 3,2 faiz, mal əti 25,8 faiz azalıb. Hesabat dövründə ölkəyə 12 mln. 140,6 min dollar dəyərində 4,008 min ton iribuynuzlu heyvan əti idxal edilib.

Sonxeber.az Dövlət Statistika Kömitəsinin rəqəmlərinə istinadən xəbər verir ki, quş ətinin idxalı 15 min 132 ton təşkil edib. Bu da dəyər ifadəsində 16 mln. 718 min dəyərində məhsul deməkdir.

Qeyd edək ki, Azərbaycan iribuynuzlu heyvan ətini əsasən Ukrayna, Hindistan, Belarus, Brazilya, Praqvay, Moldova, Almaniya, Bolqarıstan, ABŞ və Rusiyadan gətirir. Ötən il ərzində ölkəyə bu dövlətlərdən 9 milyon 222 min ton iribuynuzlu heyvan əti idxal edilib. Statistika göstərir ki, Azərbaycan ən çox mal ətini Ukrayna və Hindistandan alıb.

Quş əti və ona əlavə məhsullara gəlincə, əsas məhsul alışı bazarımız Ukrayna, Rusiya, Türkiyə, Belçika, Brazilya, ABŞ, Kanada, Gürcüstan, Polşa, İspaniya, Almaniya, Belarus və Fransadır. Azərbaycan bu ölkələr arasında yenə də ən çox quş əti və ona əlavə məhsulları Ukrayna və Rusiyadan idxal edib.

Qeyd edək ki, ölkə üzrə adambaşına illik ət istehlakı 33,55 faiz təşkil edir. Bu rəqəm 2017-ci ildə 2016-cı illə müqayisədə çüzi artıb - 0,1 %.

Telegramda izləyin