Məleykə Əsədovadan sərt çağırış: "Onları öldürmək lazımdır!"

"Gərək onların ətini xalqın qarşısında soyalar!"

Xalq artisti, Akademik Milli Dram Teatrının aktrisası Məleykə Əsədova cinayət törədən şəxslərlə bağlı sərt təkliflər irəli sürüb.

Sonxeber.az AzNews.az-a istinadən xəbər verir ki, sənətçi ATV kanalının "Bizimləsən" verilişinin qonağı olub. Veriliş zamanı aktrisa cinayət edən şəxslərin öldürülməsini istəyib:

"Üzümü tutub efirdən deyirəm. Deyirlər, kiminsə qızına sataşdı, falan. Əgər nəsə bir şey olmasa, bu qədər insanı haqsız yerə cinayətə cəlb eləməzdilər. Gərək onların ətini xalqın qarşısında soyalar. İnsanlar cəlladlaşıb. Eşidirsən ki, qadın ərini bıçaqlayıb… Adam bir toyuğun başı kəsiləndə baxmaq istəmir. Necə ola bilər, insan insanı öldürür? Onları öldürmək lazımdır, bunların üstündən keçib getmək olmaz".

Telegramda izləyin