Çox gözəl ətrin var: İş yerində qadınlara qarşı zorakılıq

İnternetdə iş elanı vardı. CV göndərdim və məni iş görüşməsinə çağırdılar. Müdir iş haqqında qısa məlumat verdikdən sonra mənə komplimentlər deməyə başladı. İş görüşməsi bitdi və mən sağolaşdım. Bu zaman əlini uzatdı. Mən də əlimi uzatdım, məni özünə tərəf çəkdi və saçımı qoxlayıb "çox gözəl ətrin var" dedi.

Kişini itələyib oranı tərk etdim. O qədər qorxdum ki, bütün bədənim əsirdi. Çox utanırdım. İnsan belə olanda qadın olmaqdan utanır. Bir müddət özümə gələ bilmədim. Çünki özümü təhqir olunmuş hiss etdim.

Bu sözləri bizə iş görüşməsinə gedərkən seksual xarakterli hərəkətə məruz qalan Aytən Rəfiyeva (ad şərtidir) bildirib.

Ailə, Qadın və Uşaq Problemləri üzrə Dövlət Komitəsinin hüquq təlimatı şöbəsinin baş məsləhətçisi Rahid Süleymanzadə Oxu.Az-a bildirib ki, qadınlara qarşı iş yerlərində cinsi zorakılıq anlayışı Gender bərabərliyi təminatları haqqında Azərbaycan Respublikasının qanununda seksual qısnama kimi nəzərdə tutulub:

"Yəni, seksual qısnama - əmək və ya xidmət münasibətlərində olan şəxsi alçaldan və təhqir edən, başqa cinsə və ya seksual yönümə mənsubiyyətdən irəli gələn və fiziki hərəkətlərdə (toxunma, əllə vurma), ədəbsiz sözlərdə, jestlərdə, hədələrdə, ləkələyici xahişlərdə və ya dəvətlərdə təzahür edən əxlaqsız davranış deməkdir.

Telegramda izləyin