Məzuniyyət dönüşü dəhşətli qəza: 17 nəfər həyatını itirdi

Kolumbiyanın Antioquia bölgəsinin Medellin şəhərində yerləşən Antiqueno Liseyinin şagirdləri məzuniyyətlərini qeyd etmək üçün Sucre bölgəsindəki Tolu qəsəbəsində təşkil olunan tədbirə qatılıblar.

Sonxeber.az xarici mediaya istinadən xəbər verir ki, tədbirdən sonra şagirdlər Medellin şəhərinə qayıtmaq üçün yola çıxıblar. Lakin onları daşıyan məktəb avtobusu səfər zamanı Remedios qəsəbəsi yaxınlığında uçurumdan aşıb.

Antioquia vilayətinin qubernatoru Andres Julian sosial media hesabında verdiyi açıqlamada bildirib ki, faciəvi qəzada 1 avtobus sürücüsü və 16 şagird həyatını itirib, 20 nəfər isə xəsarət alıb. Qubernator qeyd edib ki, ölənlərin cəsədləri helikopterlə Medellindəki Məhkəmə-Tibbi Ekspertiza İnstitutuna aparılıb. O, həmçinin Medellin şəhərinə bağlı Bello bələdiyyəsinin meri Lorena Qonzaleslə sıx əməkdaşlıq etdiklərini vurğulayıb.

Bello şəhərində isə qəzada həlak olanların xatirəsinə və yaralananlara dəstək məqsədilə şam işığında anım mərasimi təşkil olunub. Tədbir birlik və həmrəylik rəmzi kimi keçirilib.

Telegramda izləyin