Ankara İrəvanı küncə sıxır: Türkiyədən Azərbaycana mühüm dəstək

Ankara İrəvanı küncə sıxır: Türkiyədən Azərbaycana mühüm dəstəkÇavuşoğlu Parisdən ermənilərə səsləndi: "Özünüzə əminsinizsə!.."; Fransa məhkəmələri Qarabağla imzalanmış qanunsuz dostluq müqavilələrini ləğv edir, Moskva isə İrəvanı təhdid edir - düşmən həyəcanda; erməni siyasətçi: "Əleyhimizə təhlükəli proseslər gedir..."

Türkiyənin xarici işlər naziri Mövlud Çavuşoğlu Fransaya səfər edib. Qardaş ölkənin baş diplomatı fransalı həmkarı Jan İv Le Drianla keçirdiyi mətbuat konfransında işğalçı Ermənistana çağırış edib. "Yeni Müsavat" xarici qaynağa istinadən xəbər verir ki, Çavuşoğlu İrəvana Osmanlı İmperiyasında uydurma "erməni soyqırımı" məsələsini öyrənmək üçün işçi qrupu yaratmağı təklif edib.

"Əgər Ermənistan özünə, haqlı olduğuna əmindirsə, o zaman otaq işçi qrupu təklifimizi qəbul eləsin. Qoy bu qrupa Fransa, Rusiya və ABŞ-dan da nümayəndələr daxil olsun.

Türkiyə XİN rəhbərinin bu təklifi məhz Parisdə verməsi ikiqat önəm daşıyır. Çünki Fransa saxta soyqırım iddiası ilə bağlı ən çox canfəşanlıq edən, bundan zaman-zaman qardaş ölkəyə qarşı siyasi təzyiq aləti kimi istifadəyə çalışan böyük Avropa dövlətidir. Saxta genosidi inkara görə cəza nəzərdə tutan tək ölkə də yenə Fransadır. Az öncə isə prezident Emmanuel Makronun sərəncamı ilə 24 aprel Fransada "erməni soyqırımı" qurbanlarının xatirə günü kimi elan edildi.

Çavuşoğlunun son bəyanatı, onun Parisdən İrəvana səslənişi bu mənada olduqca yerinə düşür və Fransanı da, onun "kiçik bacısı" Ermənistanı da "naqolay" vəziyyətə qoyur, İrəvanı, faktiki, küncə sıxır. Ən əvvəl o səbəbə ki, qardaş ölkə rəsmiləri arxivlərin açılacağı təqdirdə erməni yalanlarının üzə çıxacağına və bu yalanlara həqiqət donu geydirməyə çalışan Fransa kimi Qərb dövlətlərinin rüsvay olacaqlarına əmindir.

Çavuşoğlunun təklifi bu xüsusda ermənilərin Qarabağa iddialarına da ciddi zərbədir və heç sübhisiz, İrəvanı küncə sıxmaq, fakt qarşısında qoymaq, onun təcavüzkar xislətini faş eləmək niyyəti güdür. Türkiyənin işğalçıya daha bir zərbəsi isə bir neçə gün öncə Ermənistanın bölgədə təklənməsinə hesablanmış Azərbaycan-Türkiyə-Gürcüstan formatı üzrə, faktiki, yeni hərbi ittifaqın yaradılması, üç ölkənin ortaq təlimləri barədə Qəbələ razılaşması oldu.

O da maraqlıdır ki, Türkiyə XİN başçısının Paris səfəri ərəfəsində Fransa məhkəmələri bu ölkənin müxtəlif şəhərləri ilə Qarabağ arasında vaxtilə imzalanmış qanunsuz dostluq müqavilələrini ləğv edib. Gözlənildiyi kimi, bu da Ermənistanı təşvişə salıb. Ona görə ki, əvvəla, Fransa ATƏT-in Minsk Qrupunun üç həmsədrlərindən biri və işğalçıya rəğbəti olan Avropa dövləti sayılır, ikincisi isə, Fransa bununla faktiki, Azərbaycanın suverenliyi və ərazi bütövlüyünə sayğı izhar etmiş olub.

"Fransa məhkəmələri Fransanın müxtəlif şəhərləri və Qarabağ arasında imzalanmış dostluq müqavilələrini bir-bir ləğv edir". Bunu Ermənistan parlamentinin keçmiş deputatı Vahe Hovannisyan deyib (teleqraf.com). Hovannisyanın sözlərinə görə, Fransada fəaliyyət göstərən erməni diaspor təşkilatları bu prosesin qarşısını ala bilmir.

"Bizim səylərimiz nəticə vermir, Fransadakı diaspor təşkilatlarımız da öz vaxtlarını boş yerə xərcləyir. Ətrafımızda baş verən prosesləri görmürük, bu məsələlər heç kəsi maraqlandırmır. Məsələn, dünən (srağagün - red.) Gürcüstan, Azərbaycan və Türkiyənin müdafiə nazirləri Qəbələdə görüşdü. Bundan əvvəl Türkiyə və Azərbaycan Naxçıvanda birgə hərbi təlimlər keçirdi. Üç ölkənin müdafiə naziri hərbi əməkdaşlıq barədə anlaşdı, əslində dünən (srağagün - red.) bölgədə yeni hərbi ittifaq quruldu. Nə parlamentdən, nə də rəsmi İrəvandan buna reaksiya verilmir, Ermənistanda hamı səssizliyə çəkilib".

V.Hovannisyan Ermənistanın təhlükə qarşısında qaldığını və ən böyük müttəfiqlərdən biri olan Fransanın da bu ölkədən üz çevirdiyini bildirib: "Minsk Qrupunun üzvü olan dövlətlərdən birində Ermənistan əleyhinə təhlükəli proseslər gedir. Bir-bir Qarabağ və Fransanın müxtəlif şəhərləri arasında imzalanmış dostluq müqavilələri Fransa məhkəmələri tərəfindən ləğv edilir. Bu, yaxşı təşkil edilən və Ermənistanı təhdid qarşısında qoyan bir kampaniyadır".

Diqqətçəkicidir ki, Qarabağ məsələsində ermənilərin digər, 1 nömrəli havadarı olan Rusiya da hazırda İrəvana isti münasibətdə deyil. Ermənistanın keçmiş prezidenti, Putinin yaxın dostu Robert Köçəryanla bağlı yaşanan olaylar buna parlaq sübutdur. Məlumdur ki, enində sonunda Putin öz dostunu zindandan qurtara bildi. Srağagün isə Rusiyanın Ermənistandakı səfiri Sergey Kopırkin Köçəryanla görüşüb. Söhbətin məğzi açıqlanmır. Ancaq aydındır ki, Moskva bununla Paşinyana bir daha mesaj verib ki, onun adamları toxunulmazdır.

O da bəllidir ki, Dağlıq Qarabağdakı separatçı rejim İrəvandan çox, Moskvaya bağlıdır, Kremlin direktivlərini yerinə yetirir. Bu üzdən son günlər İrəvan-Xankəndi çəkişməsinin dramatik xarakter alması ən çox Moskvanın diqqətindədir.

"Moskva İrəvanla Qarabağ separatçıları arasında münasibətlərdə baş verənləri diqqətlə izləyir". Bunu 1in.am saytına müsahibəsində erməniyönlü rusiyalı politoloq Stanislav Tarasov deyib (Axar.az). "Moskva çox istərdi ki, Ermənistanın inqilabi hökuməti Dağlıq Qarabağ məsələsində çox ağıllı davransın. Onların sözləri işləri ilə ziddiyyət təşkil etməsin. Mən digər rusiyalı ekspertlər kimi hesab edirəm ki, Paşinyan Saakyanı qovmamalı, onunla ittifaq qurmalıdır. Əgər Paşinyanın müşavirləri ona mane olsalar və Dağlıq Qarabağdakı "hökumətin" uzaqlaşdırılmasına getsələr, Ermənistan hər şeyini itirəcək və bu, erməni dövlətçiliyinin varlığını sual altına qoyacaq", - deyə o bildirib.

Bu, artıq Moskvadan Paşinyan hökumətinə yeni və açıq bir hədədir. Hər halda, Tarasov bir qayda olaraq, Kremlin ovqatına uyğun açıqlamalar verir...

Mənbə: "Yeni Müsavat"


Sonxeber.az Telegramda izləyin instagramda izləyin
Siyasət   Baxılıb: 2555   Tarix: 15 iyun 2019  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Zaxarova Ermənistan barədə: "Qərb qoyun dərisi geyinmiş canavar kimi ölkəyə nüfuz edir" - VİDEO

"Qərb qoyun dərisi geyinmiş canavar kimi ölkəyə nüfuz edir". Bunu Rusiya Xarici İşlər Nazirliyinin rəsmi nümayəndəsi Mariya Zaxarova -nun Ermənistanla bağlı sualını cavablandırarkən deyib. Onun mətbuat konfransı Rusiya XİN-in sosial şəbəkə səhifəsində canlı yayımlanır. Zaxarovanın sözlərin

27 mart
.

Prezident İlham Əliyev terror aktı ilə əlaqədar Rusiya Prezidenti Vladimir Putinə başsağlığı verib

Azərbaycan Respublikasının Prezidenti İlham Əliyev Moskvada törədilmiş dəhşətli terror aktı ilə əlaqədar Rusiya Federasiyasının Prezidenti Vladimir Putinə başsağlığı verib. "Report" xəbər verir ki, dövlətimizin başçısı başsağlığı məktubunda qeyd edib: "Crocus City Hall" konsert zalınd

23 mart
.

Paşinyandan Qarabağla bağlı daha bir ETİRAF

Ermənistan prezidenti Nikol Paşinyan bildirib ki, Ermənistan Dağlıq Qarabağda mühacirətdə olan heç bir hökuməti tanımır. -a istinadən xəbər verir ki, bu cür bəyanatlar milli təhlükəsizliyə təhdiddir

28 mart
.

Sahibə Qafarovanın İsveçrəyə səfəri başlayıb

Milli Məclisin sədri Sahibə Qafarovanın başçılığı ilə parlament nümayəndə heyəti İsveçrə Konfederasiyasının Cenevrə şəhərinə işgüzar səfərə gəlib. Bu barədə "Report"a parlamentin Mətbuat və ictimaiyyətlə əlaqələr şöbəsindən məlumat verilib. Cenevrə Beynəlxalq Hava Limanında nümayəndə heyətin

22 mart
.

Cenevrədə Azərbaycan və Ermənistan parlamentlərinin sədrlərinin ikitərəfli görüşü keçirilib - YENİLƏNİB

Parlamentlərarası İttifaqın Cenevrədə keçirilən 148-ci Assambleyası çərçivəsində martın 22-də Azərbaycan və Ermənistan parlamentlərinin sədrləri Sahibə Qafarovanın və Alen Simonyanın ikitərəfli görüşü olub. "Report" AZƏRTAC-a istinadən xəbər verir ki, görüş Parlamentlərarası İttifaqın təşəbbüs

22 mart
.

Sahibə Qafarova Simonyanla görüşəcək

Bu gün Azərbaycan və Ermənistan parlamentlərinin sədrləri görüşəcək. Ölkə.az xəbər verir ki, Sahibə Qafarova və Alen Simonyanın görüşü Cenevrədə baş tutacaq. Bu haqda Ermənistan parlamentinin mətbuat katibi Nelli Qulyan məlumat yayıb

22 mart
.

Türkiyənin vitse-prezidenti Mehriban Əliyevanı təbrik edib

Türkiyənin vitse-prezidenti Cevdet Yılmaz Azərbaycanın Birinci vitse-prezidenti Mehriban Əliyevaya təbrik məktubu göndərib. "Report"un məlumatına görə, təbrikdə deyilir:. "Möhtərəm Mehriban xanım,. Min illərdir ortaq adət-ənənəmiz olan, ümid, yenilənmə və həmrəylik bayramı Novruz münasibətil

22 mart
.

Sarkisyan açıqladı: Ermənilər Qazaxın işğal altındakı kəndlərini tərk edirlər

"Martın 18-də Nikol Paşinyanın Tavuş sakinləri ilə görüşündən sonra Noyemberyanın (Barana -red.) sərhəd zonasının kəndlərində məskunlaşan sakinlər həmin yerləri tərk edirlər". Bu sözləri erməni jurnalist Oskan Sarkisyan deyib. "Voskeparda (Əskipara - red.) məskunlaşan Qarabağdan gəlmi

22 mart
.

Prezidentin köməkçisi: Azərbaycan Çini yaxşı dost və tərəfdaş kimi görür

Biz Çinlə strateji əməkdaşlığımızı və tərəfdaşlığımızı genişləndirməyi səbirsizliklə gözləyirik. Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Çinin "Global Times" qəzetinə müsahibəsində deyib. O vurğulayı

26 mart