Metroda sevgilisini bıçaqlayan şəxsə — HÖKM OXUNDU

Metroda sevgilisini bıçaqlayan şəxsə — HÖKM OXUNDUBakıda metroda sevgilisini öldürməyə cəhddə təqsirləndirilən Vahid Abdullayev Bakı Apellyasiya Məhkəməsinə şikayət edib.
Sonxeber.az "Ölkə.Az"a istinadən xəbər verir ki, onun şikayəti ilə bağlı məhkəmə baxış iclası hakim Əflatun Qasımovun sədrliyi ilə iyul ayının 12-də keçiriləcək.
Qeyd edək ki, hadisə ötən il sentyabr ayında baş verib. Metronun "Nəsimi" stansiyasında 1972-ci il təvəllüdlü Bakı şəhər sakini Quliyeva Elnarə Baloğlan qızı 1972-ci il təvəllüdlü Abdullayev Vahid İnqilab oğlu tərəfindən bıçaqlanıb.

Hadisəni törətməkdə şübhəli bilinən Vahid Abdullayev polis əməkdaşları tərəfindən saxlanılıb. Məlum olub ki, Vahid Abdullayev E.Quliyeva ilə qeyri-rəsmi nikahda olub və hadisə də qısqanclıq zəminində baş verib.
V.Abdullayev Cinayət Məcəlləsinin 29, 120.1-ci (qəsdən adam öldürməyə cəhd) maddəsilə ittiham edilib.

Bakı Ağır Cinayətlər Məhkəməsində hakim İlham Mahmudovun sədrliyi ilə keçirilən prosesdə təqsirləndirilən şəxsə hökm oxunub. Hakimlər kollegiyasının hökmünə əsasən, V.Abdullayev 11 il 9 ay müddətinə azadlıqdan məhrum edilib.

Kriminal   Baxılıb: 491   Tarix: 09 iyul 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR