Binədə baş verən yanğında xəsarət alanların SON DURUMU - AÇIQLAMA

Xəbər verdiyimiz kimi, bu gecə Qaradağ rayonu, Binə bazarında yanğın baş verib. 2 saatdan çox davam edən yanğında sahibkarlara ciddi ziyan dəyib. Səhiyyə nazirliyinin yaydığı ilkin məlumata görə baş verən yanğında xəsarət alanlar var.

Kliniki Tibbi Mərkəzin Toksikologiya şöbəsinin müdiri Azər Maqsudov "Sonxeber.az"-a açıqlamasında artıq müraciət edənlərin vəziyyətini sabit olduğunu deyib:

"Heç bir narahatlığa əsas yoxdur. Tüstü ilə yüngül boğulma olub, tez bir zamanda həkimlər kömək edib və artıq xəsarət alanlar evə buraxılıb".

Xatırladaq ki, Səhiyyə Nazirliyinin verdiyi məlumatda hadisə yerinə gələn təcili tibbi yardım briqadasının həkimlərinə tüstüdən boğulma ehtimalı ilə 4 kişi müraciət etdiyi bildirilib. Onlardan üçünə yardım göstərilib, bir nəfər isə KTM- nin toksikologiya şöbəsinə yerləşdirilib.

Şəlalə Babayeva

Telegramda izləyin

instagramda izləyin