ABŞ-ın ən varlı 10 miqrantı-SİYAHI və FOTOLAR

Amerika arzular ölkəsidir. Bir çox ölkələrin insanları ABŞ-a can ataraq amerikan arzusuna çatmaq niyyətindədirlər. Sonxeber.az ABŞ-ın ən varlı 10 miqrantının siyahısını bölüşür.
Ceffri Skoll
Yəhudi ailəsindəndir, Kanadanın Monreal şəhərində anadan olub. 1987-ci ildə elektrik mühəndisliyi fakultəsini fərqlənmə ilə bitirib. Skoll iki şirkət qursa da, istədiyi pulu qazana bilmir. Bu problemi həll etmək üçün Stenford məktəbinə yollanır. Məhz burada, 1996-cı ildə "eBay" şirkətinin qurucusu ilə tanış olur və onun yanında işləməyə başlayır. Ceffri internet-nəhənginə çevrilən bu şirkətin ilk işçisi olur və nəticədə ilk prezidentinə çevrilir. Hazırda onun 4 milyard dolları var və "Forbes"in siyahısında 134-cü yerdədir.

Devid San

"Kingston Technology" şirkətinin baş əməliyyat direktoru və təsisçilərindən biridir. Taylandda anadan olub və ali təhsilini burada alıb. 1981-ci ildə Con Tu ilə tanış olur. Onlar güclərini birləşdirərək "Camintonn" şirkətini qururlar və sonradan onu 6 milyon dollara satırlar. Sonradan qurulan "Kingston Technology" şirkəti isə ilk il onlara 140 milyon dollar qazandırır. Hazırda Sanın 6 milyard dolları var və dünyanın ən varlı adamları siyahısında 90-cı pillədədir.
Con Tu
Con Şanxayda kasıb ailədə anadan olub. O, ilk dəfə ABŞ-a səfər etdikdən sonra yenidən bura qayıtmaq barədə düşünür. Bu səbəbdən 1972-ci ildə ABŞ-a qayıdır və "Camintonn" şirkətini qurur. 1987-ci ildən "Kingston Technology" şirkətinin baş direktorudur.
İqor Oleynikov
1942-ci ildə Moskvada anadan olub. Müharibədən sonra ailəsi İrana qaçıb. 1957-ci ildə isə ABŞ-a köçüb. Ailə kasıb olduğu üçün İqoru Cənubi Kaliforniyay universitetinə göndərmək məsələsində xeyli əziyyət çəkir. Ali təhsili başa vurduqdan sonra 1973-cü ildə "Olen Properties" şirkətin qurur. Bu şirkət daşınmaz əmlakın inşası və satışı üzrə ixtisaslaşır. Hazırda Oleynikovun 3.7 milyard dollarlıq sərvəti var. Ən varlı adamlar siyahısında 156-cı pillədədir.
Sergey Brin
Sergey də SSRİ-də anadan olub. 1979-cu ildə onun yəhudi əsilli ailəsi ABŞ-a miqrasiya edir. 6 yaşlı Sergey Montessori sistemi tədris edilən məktəbdə oxuyub. 1995-ci ilin mart ayında Larri Keyc, yəni "Google"un gələcək qurucusu ilə tanış olur və 3 il sonra "Google" axtarış sistemi yaranır. Brinin 37.5 milyard dollarlıq sərvəti var və ən varlı adamlar siyahısında 10-cudur.
Corc Soros
Macarıstanda yəhudi ailəsində doğulub. 1947-ci ildə Londona köçür və London İqtisadiyyat və Siyasi elmlər məktəbinə daxil olur. Onun lektorlarından biri məşhur filosof Karl Popper olub.
Hazırda Corc dünyanın 19-cu ən varlı adamıdır. Onun kapitalı 24.9 milyard dollardır. O, ilk işini Nyu-Yorkda, qadın çantaları satmaqla qurub. Sonradan isə "Sinqer və Fridlander" şirkətinə işə düzəlib.
İlon Mask
Cənubi Afrikada anadan olub. Uşaq vaxtı kifayət qədər ağllı olub. Yaşıdları ilə oynamaqdansa, kitab oxumağı üstün tutub. Atası mühəndis olan İlon "Commodore VİC-20" kompüteri ilə proqramlaşdırmanı öyrənib. 12 yaşı olanda ilk oyun proqramını yazıb və oyunu 500 dollara satıb.
18 yaşı olanda Mask Kanadaya köçüb. Sonradan Stenforda daxil olub. Onun əsas layihələri "PayPal" ödəniş sistemi, "SpaceX" və "Tesla" şirkətləridir. 11.6 milyard dolları var və siyahıda 34-cüdür.
Yan Kum
Yan Kum Ukraynada anadan olub. 1992-ci ildə anası ilə ABŞ-a mühacirət edib. Burada o, həm ali təhsil alıb, həm də işləyib. Sonradan Kum "WhatsApp"ın qurucusu Brayan Ektonla tanış olub və təhsilini yarıda qoyub. Brayan Kumun istedadını görərək ona "Yahoo"da iş təklif edib.
Ekton sonradan "Facebook"da işləmək istəsə də, Mark Zukerberq buna razı olmur. Kum isə "WhatsApp" messencerini yaradır. 2014-cü ildə isə layihəni "Facebook"a 14 milyard dollara satır. Hazırda 8.8 milyard dolları olan Kum siyahıda 50-cidir.
Mikki Arison
Mikki Arison əslən İsraildəndir. O, iş adamı Ted Arisonun ailəsində anadan olub. Mikki Mayami universitetində təhsilini yarımçıq qoyaraq özünü atasının biznesini inkişaf etdirməyə həsr edir. O, əvvəlcə menecer, sonra isə vitse-prezident postuna qədər yüksəlir. 3 il sonra isə atasının "Carnival Corporation" turizm şirkətini dünyanın ən böyük şirkətinə çevirir. Hazırda 8 milyard dollar sərvəti ilə dünyanın ən varlı 61-ci adamıdır.
Tomas Petterfi
Əslən Macarıstandandır. Karyerasına başlayanda ingilis dilində bir söz də bilmirdi. İlk illər mühəndislik şirkətində çertyoj işlərinə baxıb. Sonradan isə proqramlaşdırma ilə maraqlanır və "İnteractive Brokers" şirkətini qurur.
Zaman keçdikcə ABŞ fond birjasında öz yerini tutur və qiymətli kağızların satışına başlayır.
Hazırda 12.6 milyard dolları var və dünyanın ən varlı 32-ci adamıdır.

Telegramda izləyin