"O qadını ata bağlayıb sürütdəməyiblər"-Goranboydakı hadisə barədə AÇIQLAMA

"O qadın ata bağlanmayıb, onu sizə kim deyib? Xəsarət alıb sadəcə, heç bir ağır hal yoxdur. Xəstəyə amblator yardım göstərilib. Biləyində, dizində sıyrıntisi var, vəssalam".
Bu sözləri Goranboy rayon Mərkəzi Xəstəxanasının həkim- travmotoloqu Mehman Əşrəfov adıçəkilən rayonda ata bağlanaraq sürüdülən qadının səhhəti ilə bağlı Sonxeber. az- a açıqlamasında deyib.
Hadisə ilə əlaqədar Goranboy rayon Polis şöbəsi ilə əlaqə saxladıq. Polis şöbəsində məlumat almağa çalışdığımız əməkdaş belə bir hadisənin baş vermədiyini deyib.
Qeyd edək ki, hadisə və təfərrüatı ilə bağlı Daxili İşlər Nazirliyi Mətbuat xidmətinin Gəncə regional qrupu açıqlama yayıb və rəsmi saytlarda artıq bu barədə geniş informasiya mövcuddur.
Nəzərə çatdıraq ki, qonşular arasında düşən mübahisə zəminində 1984- cü il təvəllüdlü Sahilə Məzahir qızı Ələkbərovanın qonşuları tərəfindən döyülüb, kəndir ilə əl- ayağı bağlanmış vəziyyətdə sürüdüldüyü iddia edillir.

Şəlalə Babayeva

Telegramda izləyin

instagramda izləyin