Təxirə salınan mitinq şousunun arxasında dayanan gerçəklik - Açıqlama

Radikal müxalifətin noyabrın 2-nə təyin olunmuş mitinqi artıq təxirə salınıb.

Əli Kərimli mitinqin təxirə salınması ilə bağlı xəbəri öz sosial şəbəkə hesabı vasitəsilə verib.

Əli Kərimli mitinqin təxirə salınmasının arxasındakı müəmmaya isə dünən axşam Qənimət Zahidlə etdiyi canlı videobağlıtıda aydınlıq gətirib.

Əli Kərimlinin bildirdiyinə görə, guya xaricdən ona təxribatlar ola biləcəyinə dair məlumatlar ötürülüb.

Bu cümlə ilə Kərimli özü də bilmədən özünü ifşa edib və xarici havadarlarının olduğunu rəsmən təsdiqləyib və etiraf edib. Məhz bu etirafdan sonra Kərimlinin ətrafındakı 5-10 nəfər də öz səhvini dərk edərək düzgün mövqe tutacaq.

Məsələnin digər bir tərəfi mitinq keçirmək üçün müxalifətə yer təklif olunsa da, onların israrala insanların sıx toplaşdığı yerlərdə keçirmək istəkləridir.
Bu da onun göstəricisidir ki, radikal müxalifət rəhbərləri öz şəxsi maraqlarını, cəmiyyətin maraqlarının önünə qoyurlar. Bu, ilk dəfə deyil. Radikal müxalifət dəfələrlə insanların sıx toplaşdığı yerlərdə aksiya keçirməyə cəhd ediblər. Səbəb isə sadədir, 5-10 nəfər havadarını insanların sıx toplaşdığı kütlə arasında çox göstərmək, çaşqınlıq yaratmaq.

Məsələ ilə bağlı Sonxeber.az-a politoloq Elxan Şahinoğlu açıqlama verib:

"Mitinq zamanı bu cür qarşıdurmanın yaranmaması üçün tərəflər arasında konsesus olmalıdır. Bu cür qarışıdurmalar xaricdəki mərkəzlərin öz məqsədlərinə çatması deməkdir. Belə hallar heç kimə lazım deyil. Mən də şəhərin mərkəzi küçələrində mitinqlərin əleyhinəyəm. Çünki bu, gərginliyi daha çox artırır. Nəzərə almaq lazımdır ki, biz çox həssas bölgədə yerləşirik, elə dövlətlər var ki, Azərbaycanın zəifləməsində maraqlıdırlar. Ona görə də, mənə elə gəlir ki, dialoqu genişləndirmək, danışıqlar yolu ilə məsələni həll etmək lazımdır".

Məleykə

Telegramda izləyin

instagramda izləyin