Bayrağımız ilk dəfə harada ucaldılıb?-Tarixi fakt

Bu gün Azərbaycanda Bayraq Günü qeyd edilir. Sonxeber.az Dövlət Bayrağımızla bağlı kiçik tarixi faktı oxucuları ilə bölüşür.
Bu gün Azərbaycan Respublikası üzərində dalğalanan Dövlət Bayrağımız - milli bayrağımız ilk dəfə 1918-ci il noyabrın 9-da Bakıda, Azərbaycan Xalq Cümhuriyyəti Nazirlər Şurasının yerləşdiyi binada qəbul edilib və qaldırılıb.
Tarixi mənbələrdən bəllidir ki, üçrəngli milli bayrağımızın rənglərinin qəbul edilməsi, işlənib hazırlanması Əli bəy Hüseynzadənin adı ilə bağlıdır. Bilirik ki, bayrağın göy rəngi türkçülüyün, qırmızı müasir azadlıq ideologiyasının, yaşıl rəng isə islamçılığın tərənnümüdür. Yəni "Türk qanlı, İslam imanlı, Avropa qiyafəli olalım" şüarı üç rəngin açmasıdır. Dövlət rəmzi kimi bayraq milli kimliyi, düşüncə tərzini və inancları özündə əks etdirir. Bu ideya 1895-ci ildə Əli bəy Hüseynzadə tərəfindən verilib. Azərbaycan Xalq Cumhuriyyəti tərəfindən üçrəngli bayraq dövlət bayrağı kimi qəbul olunub.

Telegramda izləyin

instagramda izləyin