"Son təyinatlar ölkədə gedən iqtisadi və siyasi proseslərə müsbət təsir edəcək"- Millət vəkili

Xəbər verdiyimiz kimi bu gün bir neçə rayona yeni icra başçıları təyin olunub. Qeyd edək ki, Yasamal Rayon İcra Hakimiyyətinə təyin olunan Elşad Həsənov 2015-ci ildə V çağırış Azərbaycan Respublikası Milli Məclisinə 17 saylı Yasamal 3-cü Seçki Dairəsinin deputatı olub. Eyni zamanda Milli Məclisin Gənclər və İdman Komitəsinin, Elm və Təhsil Komitəsinin də üzvü olub.

Bununla bağlı Sonxeber.az-a danışan deputat Çingiz Qənizadə bildirib ki, cənab prezidentimizin apardığı kadr islahatlarını yüksək qiymətləndirirəm: "Ümid edirəm ki, bu cür yeni təyinat və yerdəyişmələr ölkədə gedən iqtisadi və siyasi proseslərin yaxşı tərəfə yönəlməsinə xidmət edəcək. Yeni təfəkkürlü, dünya görüşü geniş və pak insanlar vəzifələrə təyin olunmalıdır. Bu gün bizim həmkarımız, Avropa Şurası Parlament Assambleyasında Azərbaycan nümayəndə heyətinin üzvü olan Elşad Həsənov da Yasamal Rayon İcra Hakimiyyətinə başçı təyin olunub. Bu təyinat təkcə mənim deyil, Milli Məclisdə olan bütün deputatların sevincinə səbəb oldu. Çünki Elşad müəllim 4 illik fəaliyyəti dövründə özünün yüksək əxlaqı, mədəniyyəti və savadı ilə hər kəsin hörmətini qazanıb. Bu gün təyin olunan bütün gənc kadrlara və yerləri dəyişən icra başçılarına uğurlar arzulayıram. Hamımız birlikdə dövlətimizin, insanlarımızın problemlərinin həlli və iqtisadi inkişafımız naminə çalışmalıyıq ki, ölkədə hər şey yaxşı olsun".

Aysel Yusifqızı

Telegramda izləyin

instagramda izləyin