"Müxalifət partiyalarından saxta arayış ilə xarici ölkələrdə mühacir, qaçqın statusu alırlar"- Millət vəkili

Almaniyanın hüquq-mühafizə orqanları Azərbaycanın müxalifət partiyasının keçmiş üzvlərini saxlayıb. Cinayətkar şəbəkəyə daxil olan 7 nəfər həbs edilib. Cinayətkar dəstənin saxlanılan üzvləri barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.Onlar mühacir bazarı açmaq günahlandırılırlar.

Bununla bağlı Sonxeber.az-a danışan deputat Kamran Bayramov bildirib ki, onlar müxalifət partiyalarından saxta arayış ilə xarici ölkələrə gedib, mühacir, qaçqın statusu alırlar: "Guya onlar siyasi baxışlarına görə Azərbaycanda təqib olunurlar. Onlar aldıqları statuslardan ölkəmizə, hakimiyyət orqanlarına, məmura qarşı məharətlə istifadə edib, ölkəmizə qarşı qarayaxma kampaniyaları aparırlar. Bu insanların fəaliyyətləri məqsədlidir. Nəzərə alamaq lazımdır ki, onlar öz başına bu işləri görmürlər. Xaricdə Azərbaycanın inkişafını istəməyən dairələr var. Həmin dairələrin tapşırığı və maliyyə dəstəyi ilə onlar fəaliyyət göstərirlər. Aldıqları vəsait müqabilində bilərəkdən, məqsədli şəkildə onlar ölkəmizi, dövlət başçımızı təhqir edirlər. Təbii ki, bu yolverilməzdir. Artıq görürsünüz ki, ədalət zəfər çaldı. Almaniyanın hüquq- mühafizə orqanları onların izinə düşüb, şəbəkəni aifşa ediblər. Mən düşünürəm ki, bu digər mühacirlər və xaricdə yaşayan dırnaq arası demokratlar üçün bir dərs olmalıdır. Onlar bu cür çirkin üsullardan və adətlərdən əl çəkməlidirlər".

Aysel Yusifqızı

Telegramda izləyin