D vitamini çatışmazlığı cilddə hansı fəsadlar yaradır?

Dərinin nəm balansını qorumaqda vacib rol oynayan D vitamini kifayət qədər olmadıqda, cildinizdə müxtəlif problemlər yarana bilər.

Sonxeber.az xəbər verir ki, "Nutrients" jurnalında dərc olunmuş araşdırmaya görə, D vitamini çatışmazlığı dərinin nəm səviyyəsini azalda bilər. Xüsusilə serum D3 səviyyəsi dərinin üst qatındakı nəm miqdarına birbaşa təsir göstərir. Mütəxəssislər bildirir ki, quru dəri həmişə pul-pul görünmür; bəzən üzdə gərginlik hissi, qızarıqlıq və hətta artıq yağlanma da dəridəki nəm çatışmazlığının nəticəsi ola bilər.

Mütəxəssislər izah edirlər ki, dərinin ehtiyacı olan nəm təmin olunmadıqda, bədən dərini qorumaq üçün artıq yağ istehsal edə bilər. Bu isə əksinə, yağlı görünən, amma əslində quru dərinin əlaməti olan vəziyyət yaradır.

Hər kəsin dərisi fərqli olduğundan, doğru nəmləndirici məhsulu tapmaq hər zaman asan olmur. Bir çox üsul sınanmasına baxmayaraq, dəridəki quru problemləri davam edirsə, D vitaminini yoxlatmaq tövsiyə olunur.

D vitamini yalnız immunitet və sümük sağlamlığı üçün deyil, həm də dəri üçün vacibdir.

D vitamini həm antienflamatuar, həm də antioksidant xüsusiyyətlər göstərərək dərini qoruyur və tiroid hormonlarının tənzimlənməsinə kömək edir. Tiroid hormonları isə saç, dırnaq və dərinin sağlamlığında əsas rol oynayır.

Dermatoloq və saç baxımı mütəxəssisi Dr. Raechele Cochran Gathers bildirib ki, D vitamini saç follikulları üçün vacibdir və saçın uzanmasına təsir göstərir. Bu vitamin saç follikullarının formalaşması və mövcudluğunu davam etdirməsi üçün lazımdır.

D vitamini səviyyənizin kifayət qədər olub-olmadığını öyrənmək üçün qan testi tövsiyə olunur. 25(OH)D testi ilə D vitamini səviyyəsi ölçülür. İdeal səviyyə 50 ng/ml hesab olunur; 30 ng/ml-dən aşağı olduqda isə çatışmazlıq mövcuddur.

Günəş işığı və qida əlavələri olmadan bu səviyyəyə çatmaq çətindir. Mütəxəssislər qan nəticələrinə əsaslanaraq həkim məsləhəti ilə D vitamini əlavəsi qəbul etməyi tövsiyə edir. Kifayət qədər D vitamini qəbul etmək dəridəki quruluğu və digər problemləri aradan qaldırmağa kömək edə bilər.(qaynarinfo)

Telegramda izləyin