Masazırda məktəbin qarşısı zibilliyə çevrilib-FOTO FAKT

"Masazırda Şıxəli Qurbanov küçəsində yerləşən məktəbin qarşısı zibillərlə doludur".
Sonxeber.az bildirir ki, Əliağa Vahid adına Masazır kənd 1№-li tam orta məktəbin qarşısında zibillərin əlindən yer yoxdur. Belə ki, zibil qutularından aşıb- daşan ərzaq qırıntıları və insan sağlamlığına zərər göstərəcək zibillər yerə tökülüb.
Bu vəziyyətin hansısa orta məktəbin önündə olmasını nəzərə alsaq, həmin görüntülər bəzi cavabdeh dövlət qurumlarının qarşısında daha da məsuliliyyətli öhdəlik yaradır. Təəssüflər olsun ki, bu halın məktəb önündə baş verməsi, uşaqların sağlamlığına ziyan vurması görməzdən gəlinərək davam edir. Bu da daha pis nəticələrə gətirib çıxara bilər.
Qeyd edək ki, sözügedən ərazi ilə bağlı bu ilk xəbər deyil. Dəfələrlə bu barədə məlumat xəbər portallarında işıqlandırlıb. Amma Masazır bələdiyyəsi çox xırda məsələyə əncam çəkməkdə görünür həvəssizdir.

Şəlalə Babayeva

Telegramda izləyin