"Tramp İranla gərginləşmə fonunda öz reytinqinin artırılmasına çalışır"-RƏY

Qasım Süleymanın ölüm əmrini verən Prezident Trampın səlahiyyətləri məhdudlaşdırılıb. ABŞ Nümayəndələr Palatası Qasım Süleymaninin ölümünə əmr verən prezident Trampın bəzi səlahiyyətlərini əlindən aıb. Baş Assambleyada qəbul edilən qanun layihəsinə görə, Tramp Konqresin razılığı və məlumatı olmadan İrana qarşı hərbi səlahiyyətlərini həyata keçirə bilməyəcək. Bu hadisələr noyabr ayında Amerikada keçiriləcək prezident seçkilərinə və Amerika İran münasibətlərinə hansı təsirləri olacaq?

Mövzu ilə bağlı Sonxeber.az-a politoloq Elxan Şahinoğlu açıqlama verib. O, bildirib ki, iranlı general Qasım Süleymaninin öldürülməsi ilə Tramp faktiki olaraq gündəmi dəyişdi. Əslində Amerika gündəmində əsas mövzü prezidentə qarşı impiçment idi. Son hadisələrin fonunda bu, arxa plana keçdi. Sanki Tramp öz istəyinə nail oldu. Çünki Tramp bu ilin noyabr ayında keçiriləcək prezident seçkisində reytinqin artırılması barədə düşünür. ABŞ Nümayəndələr Palatası, Demokratlar Partiyası Trampın fəaliyyətini məhdudlaşdırmağa çalışırlar. Ona görə də bu məsələləri ona görə ortalığa atıblar ki, Konqresin icazəsi olmasa İranla müharibə başlaya bilməz. Həmçinin, Amerikada qanunvericiliyə fərdi yanaşmalar da var. Hətta Amerika tarixində də olub ki, Amerika ikinci dünya müharibəsində iştirak etməmişdən öncə keçmiş prezident Ruzveltin Konqresdə məşhur çıxışı olmuşdur ki, bizim müharibədə iştirak etməyə başqa alternativimiz yoxdur. O zaman da konqresmenlərin çoxu Amerikanın müharibəyə qarışmasını istəmirdi. Amerika 1941-ci ildə Perl-Harbor bazasına hücum etdikdən sonra müharibəyə qoşuldu. İndi də biraz oxşar situasiya yaranıb və konqresmenlər deyirlər ki, bu müharibəyə başlamaq üçün deyil, Amerikanın maraqlarını qormaq üçündür. Əlbəttə, Trampın da öz hüquqları var. Amma əsas odur ki, bütün məslələr seçkiyə fokuslanıb. Konqresmenlər çalışırlar ki, Trampın mövqeyi zəifləsin. Tramp isə İranla gərginləşmə fonunda öz reytinqinin artırılmasına çalışır.

Fəridə Ağazadə

Telegramda izləyin

instagramda izləyin