"20 Yanvar faciəsi barədə beynəlxalq aləmə ilk məlumatı Heydər Əliyev verib"- Elman Nəsirov

Azərbaycanda 1990-cı il yanvarın 20-də baş vermiş faciədən 30 il keçir. Qeyd edək ki, 1990-cı il yanvarın 19-dan 20-nə keçən gecə sovet ordusu Bakı şəhərinə daxil olaraq, dinc əhalini vəhşicəsinə gülləbaran edib. Hadisə nəticəsində 131 nəfər şəhid olub, 744 nəfər yaralanıb, 841 nəfər qanunsuz olaraq həbs edilib.

Bununla bağlı Sonxeber.az-a danışan deputat Elman Nəsirov bildirib ki, 20 yanvar hadisəsi tariximizin qanlı, eyni zamanda qəhrəmanlıq səhifəsidir. Tarixdə az-az belə bir hadisələr olur ki, eyni zamanda həm faciə, qəhrəmanlıq səhifəsi olsun. 20 yanvarda faciəsində şəhid olanlar bugünkü Azərbaycanın müstəqiliyi, süverenliyi uğrunda öz canlarını fəda ediblər. Onlar qəhrəman kimi tarixə düşüblər. Bu ölməkdə olan imperiyanın son addımları idi. SSRİ dağılmaqda idi. Görəndə ki, Azərbaycanda milli azadlıq hərəkatı bu qədər geniş vüsət alıb, İmperiya son addımlarını atdı. Əslində 20 Yanvar cinayəti SSRİ-nin dağılmasını daha da gücləndirdi. Azərbaycan dövləti 30 il bundan öncə başsız və sahibsiz idi. Yanvarın 21-də ulu öndər Heydər Əliyev Moskvadakı Azərbaycan nümayəndəliyinə gəldi. Orada bu faciəni törədənlərin adlarını çəkərək onları cinayətkar adlandırdı. Ulu öndər Heydər Əliyev onların Azərbaycan xalqına qarşı bəşəri bir cinayətə imza atdığını vurğuladı. Ən önəmlisi isə Azərbaycan xalqının başına gətirilən bu faciə ilə bağlı ilk dəfə ulu öndər Heydər Əliyev beynəlxalq aləmə məlumat verdi. Əlbəttə bu çox riskli bir addım idi. Əliyalın xalqın üzərinə tankla gedən bu rejim ulu öndərə qarşı da hər hansı bir sui-qəsd də hazırlaya bilərdi. Qeyd edim ki, ulu öndərimizin yandında cənab prezidentimiz İlham Əliyev də var idi. Ulu öndər Heydər Əliyev vətənpərliyin, xalqa olan sevginin, azərbaycanlı olmağın nə demək olduğunu o zaman göstərdi. Hər bir söz əməli ilə olanda gözəl görünür. Ulu öndər Heydər Əliyev həyatını təhlükəyə ataraq göstərdi ki, vətəni, xalqı sevmək necə olar. O dövrdəki və sonrakı hakimiyyət 20 Yanvar hadisələrinə hüquqi qiymət vermədi. Məhz Heydər Əliyev 1990-cı ildə Naxçıvanda hakimiyyətə gəldikdən sonra 20 yanvar hadisələrinə qiymət verdi. Eyni zamanda 1993-cü ildə xalqın təkidi ilə hakimiyyətə gələn zaman parlamentdə 20 Yanvar hadisələrinə hüquqi və siyasi qiymətin verilməsi də onun adı ilə bağlıdır. Cənab prezidentimiz İlham Əliyev də bu siyasəti davam etdirir. Bu gün şəhid ailələrinə böyük diqqət və qayğı var. Onların sosial durumunun yaxşılaşdırılması üçün addımlar atılır. Hər il cənab prezidentimiz 20 Yanvar faciəsi zamanı şəhid olanların məzarını ziyarət edir, onların qarşısında baş əyərək öz ehtiramını göstərir. 20 Yanvar faciəsində yayınmaq mümkün idi. Əgər o dövrdəki Azərbaycan rəhbərliyi və AXCP-nin liderləri xalqı məlunmatlandırsaydı bəlkə də bu faciə baş verməzdi. Düşünürəm ki, bu hadisənin baş verməsinin səbəbkarları SSRİ-nin, Azərbaycan o dövrdəki rəhbərliyi və bu gündə hakimiyyətə iddialı olan müxalifətin nümayəndələridir. Hesab edirəm ki, 20 faciəsini tərədənlər öz cəzasını almayıb, şəhidlərimizin ruhu narahat olacaq".

Aysel Yusifqızı

Telegramda izləyin

instagramda izləyin