"İran şərtləri qəbul etsə, ABŞ-la dialoq masasına otura bilər"-RƏY

İranın Xarici İşlər naziri Cavad Zərifin ABŞ-la dialoqun mümkünlüyü barədə açıqlaması Tehranda aksiyalara səbəb olub.

Sonxeber.az-ın məlumatına görə, yerli sakinlər küçələrə çıxaraq diplomatın açıqlamalarına etiraz ediblər. Narazı kütlə bəyan edib ki, Vaşinqtonun İrana güc tətbiq etməsinə hökumətin dialoqla cavab verməsi qəbuledilməzdir.
Qeyd edək ki, Cavad Zərif Almaniyanın "Der Spiegel" nəşrinə müsahibəsində ABŞ-la danışıqlara hazır olduqlarını bildirib. "Tramp adminstrasiyası səhvlərini düzəldə, sanksiyaları aradan qaldıra və müzakirələrə qayıda bilər. Biz hələ də müzakirə masasındayıq. Ayrılan onlardır",- deyə Zərif bildirib.
İranda vəziyyət necə olacaq?

Mövzu ilə bağlı Sonxeber.az-a politoloq Məhəmməd Əsədullazadə açıqlama verirb. O, bildirib ki, İranla ABŞ arasında davam edən siyasi münaqişənin hərbi müsətviyə keçməsi əsasən İraq və Suriyada baş verib:
"Rəsmi Tehran narahatdır ki, Vaşinqton onun daxilində Əhvazda və Bəllicistanda aksiyalara dəstək verərək ölkədə qeyri-sabitliyə səbəb ola bilər. Bundan əlavə, ölkə iqtisadiyyatını hədəf alan sanksiyalar demək olar ki, iqtisadiyyatı fiasko girdabına salıb. Ona görə də Ruhani adminstrasiyası çalışır ki, dialoq masasına əyləşsinlər. Cavad Zərif daim Vaşinqtonla dialoqun tərəfdarı olub və bu mesaj da ona əsaslanır. Hesab edirəm ki, artıq Tehranda müəyən qüvvələr danışıqlara getməyə çalışır. Amma mühafizəkarlar bunun əleyhinədir. Siyasi elitada fikir ayrılıqları yaşanır, gərginlik davam edir. Ona görə də İran daxili təlatümlərə yuvarlanmamaq üçün Vaşinqtona dialoq təklif edir. ABŞ bu dialoqa onda gələcək ki, İran onun şərtlərini qəbul etsin.

Fəridə Ağazadə

Telegramda izləyin

instagramda izləyin