"Rusiya Şimali Afrika, Yaxın Şərq və Şərqi Avropada əldə olunan razılaşmalara əməl etmir"-RƏY

Beynəxalq təhlükəsizlik sistemində ciddi böhran yeni müharibə ocaqlarının yaranmasına, sülh və əməkdaşlığın deqredasiyasına gətirib. Əsasən ABŞ-Rusiya, ABŞ-İran, Rusiya-NATO və Rusiya-Ukrayna arasında yaşanan böhranlar sülh imkanarını tükədib, Moskvanın çoxqütblü dünya iddiası daha da yeni şəkil alaraq regionunumuzun təhlükəsizliyinin təhdidinə səbəb olub.
Bu sözləri Sonxeber.az-a açıqlamasında politoloq Məhəmməd Əsədullazadə deyib. O, bildirib ki, NATO -nun Avropada keçirməsi nəzərdə tutduğu "Avropanın müdafiəsi-2020" taktiki hərbi təlimləri Şərqi Avropa və Cənubi Qafqazı əhatə etməklə Rusiya ilə açıq maraq toqquşması müstəvisində irəliləyir:

"Artıq Rusiya Ukraynanın münaqişə zonasında Donbasda separatçılara dəstək verməklə Minsk razılaşmasını pozaraq hücuma keçib. Bir tərəfdən Türkiyə ilə əldə olunan İdlib məsələsini əhatə edən Soçi razılaşmasını pozur, Liviyada Xəftərə dəstək verməklə orada atəşkəs müqaviləsini heçə sayır.
Göründüyü kimi, Rusiya Şimali Afrika, Yaxın Şərq və Şərqi Avropada əldə olunan razılaşmalara əməl etməyərək öz maraqlarını diktə etmək siyasətini yeridir. Moskvanın bu siyasəti regional və beynəlxalq əməkdaşlığa zərbədir və bunun qarşısını almaq üçün ABŞ və NATO-nun səyləri hələlik effektli deyil.
Qeyd edim ki, Rusiya çalışır ki, özünün idarə etdiyi bir siyasi-hərbi nizam formalaşdırsın və ABŞ bununla hesablaşsın. Amma post-Putin dönəmi yaxınlaşır, Moskvanın siyasi perferiyasını formalaşdırması uğurla başa çatmayacaq.
Cənubi Qafqazın Qərbin təsir dairəsinə keçməsi və Xəzər regionunda Mərkəzi Asiyaya açılması təhlükəsizlik bir çəmbəri formalaşmasına gətirə bilər. İlk növbədə burada Ermənistanın işğalına son verilməli və regionda əməkdaşlıq sülh yaranmalıdır. ABŞ və Avropanın strateji planı budur.
Regional təhlükəsizlik sistemi kövrək olaraq qalır, müharibə riskiləri qalmaqdadır. Regionda bu münaqişələr Rusiyanın iradəsindən asılı olduğu üçün sülh imkanları yetərsiz qalmaqdadır".

Fəridə Ağazadə

Telegramda izləyin

instagramda izləyin