Deputatlardan karantin rejiminə əməl etməyənlərə ÇAĞIRIŞ

Xəbər verdiyimiz kimi daha bir nəfət koronavirusdan dünyasını dəyişib. Ölkə ərazisində karantin rejim elan edilsə də, buna əmək edənlər azdır.

Bununla bağlı Sonxeber.az-a danışan deputat Fazil Mustafa bildirib ki, bu barədə ən ciddi xəbərdarlıq tədbirləri görülməlidir: "İnsanların xeyli hissəsi məsələyə biganə, və qeyri-ciddi yanaşır. Bu biganəliyin mənfi nəticələri yaxın günlərdə özünü göstərəcək. Yenə də ən sərt formada cərimə və cəzalar tətbiq edilməlidir ki, yaş həddi yüksək olan vətəndaşlarımız təcrid olunmaya əməl etsinlər".

Deputat Aydın Mirzəzadə vurğulayıb ki, bu məsələdə insanlarımız maksimum məsuliyyətli olmalıdır: "Təəssüf bu gün bəzi insanlar koronavirusun nə qədər təhlükəli xəstəlik olduğunu anlamır. Onlar məsuliyyətsizlikləri ilə tək özlərini deyil, yaxınlarını təhlükə altına salırlar. Düşünürəm ki, bu barədə maarifləndirmə işlərinin aparılması vacibdir".

Aysel Yusifqızı

Telegramda izləyin