Cümə məscidi və "Kral" şirkətindən aztəminatlı insanlarla bağlı MÖHTƏŞƏM ADDIM

Bu gün Azərbaycan koronavirus təhlükəli bir xəstəliklə mübarizə aparır. Bu xəstəlik növbəti dəfə Azərbaycan xalqının həmrəy olmasına səbəb oldu. Koronavirusla bağlı ölkədə ciddi karantin rejim elan olunduğuna görə bir çox iş yerləri fəaliyyətini dayandırıb. Təbii ki, bu aztəminatlı insanlarımızın dolanışığına da təsirsiz ötüşməyib. Əlbəttə, dövlət tərəfindən həmin şəxslərə müəyyən maddi yardımların olunması nəzərdə tutulub. Bu çətin günlərdə İçərişəhər Cümə məscidi növbəti dəfə öz humanist addımını ataraq insalarımıza dəstək olub. Belə ki, İçərişəhər Cümə məscidi təşəbbüsü və "Kral" ət və ət məhsulları şirkətinin dəstəyi ilə aztəminatlı, tənha, əlil, köməyə ehtiyacı olan ailələrə ərzaq yardımı paylanıb.

Bununla bağlı Sonxeber.az-a danışan İçərişəhər Cümə məscidinin axundu Hacı Surxay Məmmədli bildirib ki, bu gün dövlətimiz və insanlarımız koronavirus kimi bəla ilə üz-üzədir: "Cənab prezidentimiz və Azərbaycanın Birinci vitse-prezidenti Mehriban xanım Əliyeva bir illik əmək haqqlarını Koronavirusla Mübarizəyə Dəstək Fonduna köçürüb. Onlar bu addımları ilə xalqımıza və dövlətimizə verdikləri dəyəri bir daha sübut etdilər. Biz də İçərişəhər Cümə məscidi olaraq insanlarımıza dəstək olmaq istədik. "Kral" ət və ət məhsulları şirkətinin dəstəyi ilə aztəminatlı, tənha, əlil, köməyə ehtiyacı olan ailələrə ərzaq yardımı etdik. Bu gün yardımlaşma və həmrəy olma zamanıdır. Aztəminatlı, tənha, əlil, köməyə ehtiyacı olan ailələrə kömək etmək hər birimizin insanlıq borcudur. İnanıram ki, Allahın izni ilə dövlətimiz və xalqımız bu bəladan cənab prezidentimizin verdiyi çox mühüm təxirəsalınmaz addımları sayəsində üzüağ çıxacaq".

Aysel Yusifqızı

Telegramda izləyin

instagramda izləyin