Rusiya prezidenti Vladimir Putinin SSRİ-nin bərpası ilə bağlı çıxışı yeni dünya yaratmağa hazırlaşmaq planıdır-RƏY

Rusiya prezidenti Vladimr Putin keçmiş SSRİ-nin bərpası ilə bağlı mövqeyi əsasən, post-korona dövrünə yeni dünya nizamında bu istiqamətdə çalışacağı anonsudur. Qeyd edim ki, Belarus prezidenti A. Lukaşenkoda ötən həftə kornovirusla bağlı SSRİ-nin mümkün bərpası kimi sətiraltı mesaj vermişdi. Bunu kornovirusa qarşı birgə mübarizəni vurğuladı.

Baxmayaraq ki, Lukaşenko çıxşlarında Rusiya ilə birləşməyə razı olmadığını vurğulayır. Amma, o həlledici məqamda ölkənin müstəqilliyini Rusiyaya güzəştə getməyə hazırdır, sadəcə, əlverişli vəziyyət gözləyir.

Bu sözləri Sonxeber.az-a açıqlamasında politoloq Məhəmməd Əsədullazadə deyib.

Politoloq bildirib ki, dünya pandemiyaya qarşı mübarizə apardığı bir dönəmdə , Lukaşenko MDB ölkələrini sətiraltı şəkildə birləşməyə çağırıb və ardınca onun böyük qardaşı Putin bunu açıq şəkildə dilə gətirib:

"Lukaşenkonun ötən həftə keçmiş SSRi ölkələrinin birləşmə kimi mesajı təsadüfi deyildi və Putinin bunu bu gün açıqlaması göstərir ki, hər iki ölkənin lideri anlaşıb. Qeyd edim ki, Rusiyada günü-gündən iqtisadi vəziyyətin ağırlaşması, Putinin reytinqinin kəskin düşməsi onun belə bir açıqlama verərək, rusların vətənpərvərliyini çoxaltmaqla, Krımın annekasiyası illərindəki eyforiyaya qaytarmaq istəyir. O, rusların aclığa dözüb vətənpərvərlik nümayiş etdirmək xarakerini bilərək bunu ortaya atmaqla iqtisadi və sosial problemlərin qarşısını almağa çalışır. Amma rusların yenidən Putinin belə avantürasına sakit qalacağı mümkün deyil".
Politoloq bildirib ki, neftin kəskin şəkildə ucuzlaşması Putini aqressivləşdirib və o, yeni ittifaq haqqında planını reallaşdırması istiqamətində çalışsa Belarus könüllü birləşəcək, Ukraynaya da ordu yeridə bilər:

"Putinin bu planı yeni deyil və o, hesab edir ki, pandemiya ABŞ və Avropanın iqtisadiyyatını güclü zəiflədib və dünyanın yenidən bölüşdürülməsini ortaya atmaqla SSRİ-nin bərpasını başqa adla Rusiyanın tərkibinə qatacaq. Amma Qərb və başda ABŞ olmaqla Rusiyanın bu planın reallaşmasına qəti imkan verməyəcək. Bu, ABŞ üçün yeni bir siqnaldır və bu plan birbaşa ABŞ -ın və Avropanın təhlükəsizliyini və beynəlxalq maraqlarını təhdid edir.

Putinin bu mesajı birbaşa Azərbaycan olmaqla digər keçmiş müttəfiq ölkələrin müstəqilliyinə, suverenliyinə və təhlükəsizliyinə təhdiddir. Belarus istisna olmaqla, heç bir keçmiş müttəfiq respublikalar buna getməz.

Yeni dünya nizamında Rusiyanın mövqeyi kəskin zəifləyəcək, konkret olaraq ABŞ güclü şəkildə iqtisadiyyatını qurub, Avropa və Cənubi Qafqazın müstəqlllyinin qarantı olacaq.

Göründüyü kimi Rusiya təhlükəsi qalmaqdadır və beynəlxalq birliyi ciddi təhdid edir".

F.Ağayeva

Telegramda izləyin