Meyxanaçı Samirəyə gələn sürpriz qutu onu göz yaşlarına boğdu - VİDEO

Məşhur meyxanaçı Samirə Yusifqızıya canlı efirdə təqdim olunan sürpriz qutu onu göz yaşlarına boğub.

Oxu.Az xəbər verir ki, ATV telekanalında yayımlanan "7 canlı" axşam şousunda qonaq olan sənətçi qutunu açdıqdan sonra kövrələrək, ağlayıb.

Samirənin gərginlik keçirdiyini görən şounun aparıcısı Vüsalə Əlizadə rejissordan reklam fasiləsinə çıxmasını xahiş edib.

Reklamlardan sonra Samirə qutunun içində ona məxsus gəlinliyin olduğunu bildirib. Gəlinlik qutudan çıxarılaraq əyani surətdə tamaşaçılara nümayiş olunub.

Daha sonra meyxanaçı onu göz yaşlarına boğan gəlinliyinin kədərli, bir o qədər də xoşbəxt tarixçəsindən söhbət açıb:

"Uzun illər öncə öz gəlinliyimi atasız və anasız, yetim bir gəlinə hədiyyə etmişdim. O qızın toyu idi. Mən də öz gəlinliyimi ona hədiyyə etdim. Bu gəlinliyimin nə az, nə çox düz 34 yaşı var. Mən onu 1986-ci ildə geyinmişəm.1990-ci ilin əvvəlində bir toya dəvət olundum. Söylədilər ki, bəy və gəlin çox imkansızdır. Cütlüyün arzusudur ki, onların toyunda siz oxuyasız. Qərara gəldim ki, toya təmənnasız gedib, iştirak edim.

Bəylə telefonda danışanda söylədi ki, xanımım anasını itirib. Mənim də imkanım yoxdur ki, ona gəlinlik alım. Qərara gəldim ki, gəlinliyimi o xanıma hədiyyə edəcəyəm. Kağıza büküb, bəyə söylədim ki, sizə hədiyyəm var. Gəlin də toya mənim gəlinliyimdə daxil oldu".

Meyxanaçının sözlərinin təsiri ilə təəccübdən donub qalan aparıcı sənətçiyə daha bir sürpriz edib.

Vüsalə bildirib ki, həmin cütlük bu yaxınlarda oğullarına toy edirlər. Bu toyda da sizin iştirak etməyinizi xahiş edirlər.

Aparıcının xoş xəbərini eşidən Samirə Yusifqızı sevincdən göz yaşı axıdıb.

Telegramda izləyin