Səudiyyə Ərəbistanı iqtisadi böhranla mübarizə üçün bu ADDIMI ATIR

Səudiyyə Ərəbistanı COVID-19 pandemiyasının yayılması və neft gəlirlərinin azalmasına qarşı mübarizə aparmaq üçün iyun ayından etibarən yüksək standartlara uyğun yaşayışın minimuma endirilməsi qərarını verib.

Sonxeber.az xəbər verir ki, Səudiyyə Ərəbistanının rəsmi xəbər agentliyi SPA-ya daxil olan məlumata görə, maliyyə naziri Məhəmməd əl-Cedan əlavə dəyər vergisi dərəcəsinin 2020-ci ilin iyul ayından etibarən 5 faizdən 15 faizə yüksəldiyini söyləyib.

Tədbirlərin ölkə iqtisadiyyatının qorunması və koronavirus pandemiyasının vurduğu iqtisadi təsirlərdən ən az zərərlə çıxmaq üçün olduğunu bildirən Cedan, eyni zamanda virusun səhiyyə sektoruna, sosial həyata və iqtisadiyyata mənfi təsirlərini azaltmaq üçün bəzi müəssisələrin fəaliyyətinin dayandırılması qərarının verildiyini də açıqlayıb.

Həmçinin Cedan dövlət qurumlarında bəzi xərclərin təxirə salınmasını və maliyyə ili üçün planlaşdırılan böyük layihələrin icrasına verilən kreditlərin azaldılmasını ehtiva edən 100 milyard rial (26,66 milyard dollar) dəyərində qənaət tədbirlərinin olduğunu söyləyib.

F.Ağayeva

Telegramda izləyin

instagramda izləyin