"Şuşa Azərbaycan üçün mənəvi dəyər olduğuna görə ermənilər şounu məhz bu şəhərə salıblar"-RƏY

Xəbər veridyimiz kimi bu gün Ermənistanın Azərbaycanın işğal olunmuş Şuşa şəhərində qondarma rejimin "andiçmə" mərasimi təşkil edilib.

Məsələ ilə bağlı politoloq Məhəmməd Əsədullazadə Sonxeber.az-a açıqlama verib.

Politoloq bildirib ki, bu şounu Xankəndində də keçirə bilərdilər. Şuşanın Azərbaycan üçün mədəni-mənəvi anlam kəsb etdiyi üçün bunu qəsdən ediblər:

"Qondarma seçkidə qalib gələn Araik Artunyan formal bir fiqurdur və əsasən Rusiyaya bağlı şəxsdir. Qeyd edim ki, post-sovet məkanında bütün separtçı qurumların rəhbərləri

Moskvaya bağlıdır və onlara təlimat əsasən dislokasiya olunmuş Rusiyanın hərbi hissələrində kəşfiyyat qurumu nəzarət edir, yaxud da bu ölkədə səfirliyi. Qarabağdakı separatçı qurum əsasən Rusiyanın "102-ci hərbi" bazası tərəfindən idarə olunur.

Azərbaycan prezidenti İlham Əliyev kifayət qədər ordunun maddi-texniki bazasını gücləndirib. Orduya ayrılan vəsait demək olar ki, silahlı qüvvələrin dünya reytinq sırasına yüksəlib. Ordunun döyüş qabiliyyəti və texniki imkanları kifayət qədər gücləndirilib. Bu, əsasən tərəfdaş olduğumuz Türkiyə, İsrail və Pakistanla hərbi-texniki əməkdaşlığımın bariz nümunəsidir.
Ordumuzun güclənməsi, heç də Rusiyadan aldığımız silahlar hesabına olmayıb.

Ermənistanın işğal olunmuş ərazilərində reallaşdırdığı hərbi infrastrurktur layihələr, həmçinin müdafiə xəttini gücləndirməsi, yeni silahların buraya yerləşdirməsi, açıq şəkildə danışıqlarda hər hansı bir güzəştə getməyəcəklərini göstərir. Bir məsələni bilməliyik ki, Ermənistan və onun himayədarı açıq şəkildə danışıqlarda manipulyasiya edir. Artıq 30 ildir ki, eyni senari davam edir. Bundan sonra da Ermənistan bu siyasəti davam etdirəcək.

Yalnız geosiyasi şərtlər daxilində Türkiyə ilə birgə koordinasiyalı çalışaraq hərbi təzyiqlərlə vəziyəti dəyişmək lazımdır. Azərbaycan ordusunun hərbi təlimləri və nümayiş etdirdiyi müasir silahlar Qarabağa yönəlməlidir".

F.Ağayeva

Telegramda izləyin