Baş infeksionist: "Səhlənkarlıq davam etsə, bizi Avropanın taleyi gözləyə bilər"

Baş infeksionist: "Səhlənkarlıq davam etsə, bizi Avropanın taleyi gözləyə bilər""Həkimlərdə bu qədər pul haradandır? Vicdan bu qədər itirilib?"

Azərbaycanın baş infeksionisti, Nazirlər Kabineti yanında Operativ Qərargahın üzvü Cəlal İsayevin "Report"a müsahibəsi:

- Rəsmi rəqəmlərdən də aydın olur ki, Azərbaycanda son günlər koronavirusa yoluxanların sayı artıb. Bunun əsas səbəbi nədir?

- İnsanların səhlənkarlığı və xaricdə yaşayan azərbaycanlıların bir hissəsinin Vətənə qayıtması koronavirusa yoluxanların sayının artmasına səbəb olub. Hətta ölkədə xüsusi karantin rejimi qaydalarının yumşaldılmasından sonra virusun guya mövcud olmadığına inanmar artmağa başlayıb. Çünki hələ də xəstəliyin siyasi oyun olduğunu düşünənlər var. Mən onları dar düşüncəli insanlar sayıram. Belə siyasi oyun olmaz. Axı bütün dünyada virus alovlanıb. Yəni inkişaf etmiş bu qədər ölkənin rəhbərləri səhv edir?! Hətta deyirlər ki, guya həkimlər ölən şəxsin qohumlarına virusdan vəfat etdiyini yazmaq üçün pul təklif edirlər. Həkimlərin bu qədər çox pulu var? Vicdan bu qədər itirilib?

Hər gün gözümüzün qarşısında çox sayda insanın virusa yoluxduğunu, əziyyət çəkdiyini və dünyasını dəyişdiyini görürük. Əlimizdən gələni edirik ki, insanlar virusa yoluxmasın. Axı nə qədər demək olar ki, sosial məsafəni gözləyin, arada 2 metrlik məsafə saxlayın, zərurət olmadığı təqdirdə qapalı məkanlara getməyin, gigiyena qaydalarına əməl edin, yaxud qoruyucu tibbi maskalardan istifadə edin.

Kimsə bilmədən virusa yoluxub xəstəliyi yüngül keçirə, fərqində olmadan başqasını yoluxdurub onun ölümünə səbəb ola bilər. Bu gün ölkədə koronavirusdan ölənlərin sayı 50-ni keçib. Hər kəs səbəbi yaxşı bilsə də, şübhəli sual verir ki, bunun səbəbi nədir?! Cavab çox sadədir - insanların məsələyə laqeyd yanaşması.

İctimai nəqliyyatda qoruyucu maskalardan istifadənin vacibliyini dəfələrlə qeyd etmişik, ancaq buna əməl edən çox az adam var. Pandemiyanın başlanğıcında virusun sürətlə yayılmasının qarşısını ala bilmişdik. Amma bu gün daxili yoluxmaların sayında kifayət qədər artım var. Hər kəs infeksiyaya qarşı birgə mübarizə aparmalıdır, öz üzərinə düşəni etməlidir. Dövlətimiz insanların yaşam şəraitini asanlaşdırmaq üçün müəyyən yumşalmalara getdi. Ümid edirik ki, yumşalma tədbirləri çərçivəsində insanlarımız da qoyulan tələblərə düzgün əməl edəcəklər. Təəssüf ki, bu gün bunun əksinin şahidi oluruq. O gün televiziyada bir süjetə baxdım, küçədə insanlar sıx şəkildə və qoruyucu tibbi maska taxmadan rahat gəzirlər. Belə olmaz axı!

- Bu artımı ikinci dalğa və ya koronavirusun pik hədd hesab etmək olarmı?

- İkinci dalğa söhbəti yoxdur. İkinci dalğa o zaman ola bilər ki, xəstəlik tamam yoxa çıxır və sonradan tək-tük bir neçə xəstə qeydə alınır. Necə ki, Çində belə olmuşdu. Amma Azərbaycanda bu gün üçün xəstəlik hələ də davam edirsə, bu, ikinci və ya sonrakı dalğalanma deyil.

- Azərbaycanda xüsusi karantin rejiminin müddəti mayın 31-də başa çatır. Xəstələrin sayındakı artım mayın 31-dən sonra sərtləşməyə səbəb ola bilərmi?

- Bu barədə indidən dəqiq nəsə deyə bilmərəm. Ölkədəki ümumi epidemioloji vəziyyət təhlil ediləcək və bundan sonra qərar veriləcək ki, rayonlara gediş-gəliş açılsın ya yox. Əgər açılası olsa, belə insanlara tövsiyə ediləcək ki, sosial məsafə mütləq qorunsun və qoruyucu tibbi maskalardan istifadə edilsin. Misal olaraq, taksiyə minəndə belə sürücüdən tələb edilməlidir ki, maska tax. Çünki onu tanımırıq və virusa yoluxmuş ola bilər. Bəzən insanlar ümid edir ki, havalar istiləşdikcə virus yavaş-yavaş məhv olacaq. Amma bu belə deyil. Ona görə də məsələyə laqeyd yanaşmaq qəti olmaz.

- Koronaviruslu xəstələrin müalicə alması üçün ayrılan tibb müəssisələrində çarpayı sayı yetərlidirmi?

- Bu gün üçün xəstəxanalarda çarpayı sayında problemimiz yoxdur. Amma qaydalara ciddi riayət edilməsə və xəstə sayı artsa, Avropanın taleyini yaşaya bilərik. Çünki koronavirus sürətlə yayılır. Həkimlərə və mütəxəssislərə qulaq asmaq lazımdır. Hər yanlış informasiyalara inanmaq məsləhət deyil. Yalnız rəsmi xəbərlərə etibar etmək lazımdır.


Sonxeber.az Telegramda izləyin instagramda izləyin
Sosial   Baxılıb: 1802   Tarix: 29 may 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Arıqlamaq istəyənlər bu xəbəri oxusun!

Arıqlama məhsullarından istifadə etmək, artıq çəkidən azad olmaq üçün böyük addımlardan biridir. Ancaq hər arıqlama məhsulunu etibarlı şəkildə istifadə etmək, həmin məhsula güvənmək də elədə asan deyil. Mühüm olanı sağlamlığa zərər vermədən, organizminizə ağır olmayacaq və istehsal şərtləri ilə etibarl

10 iyun

Peyğəmbərin məsləhət gördüyü MÖCÜZƏVİ BİTKİ

Min bir dərdin dərmanı olan, elmi adı ilə çörəkotu, xalq aqrasında isə qara zirə kimi tanınan bitkidən doğru istifadə olunduğu halda ölümdən başqa hər şeyə çarə olduğu deyilir.. . Redaktor.az xəbər verir ki, bu bitkinin toxumları qatıq və ya südlə birlikdə istifadə olunduqda öz təsirini daha tez göstərir.

29 may

İnsan sifətində doğulan heyvanlar — VİDEO

Son illərin qəribə hadisələrindən biri də heyvanların başının insan sifətinə bənzər formada doğulmasıdır.. "Ölkə.Az" xəbər verir ki, əgər 110-15 il öncə belə təbitə hadisələri insanların ciddi təəccübünə səbəb olurdusa, artıq son illərdə bu adi bir hala çevrilib.. . Çünki insanlar daha ço

29 may

Amerikalı keşişlər uşaqları bu üsulla vəftiz edirlər — Koronavirusa görə - FOTO

Amerikalı kilsə keşişləri koronavirus səbəbindən uşaqları su silahı ilə vəftiz etməyə başlayıblar.. . "Ölkə.Az" xəbər verir ki, bu qeyri-adi mərasimin fotoşəkili sosial şəbəkədə yayılıb. Vəftizin bu cür keçirilməsi insanlar tərəfindən maraqla qarşılanıb. Bu prosedur uşağın valideynləri tərəfində

29 may

19 gün meşədə azıb qalan cütlük xilas edildi - FOTO

Yeni Zellandiyada xilasedicilər 19 gün əvvəl Kahuranqi Milli Parkında itkin düşmüş iki turisti tapıblar.. . Bu barədə "Mail Online" xəbər yayıb.. . Məlumata görə, mayın 9-da yürüşə çıxan Dion Reynolds və Cessika Okonnor mayın 14-də qayıtmalı idilər. Onların geri dönmədiyini görən yaxınlar

29 may

Nəqliyyatda koronavirusa dair metodiki göstərişlərin icrası davam edir

İctimai nəqliyyatda koronavirus infeksiyasının (COVID-19) profilaktikasına dair metodiki göstərişlərin icrası ilə bağlı tədbirlər davam etdirilir.. . Bu barədə "Report"a Bakı Nəqliyyat Agentliyindən (BNA) bildirilib.. . Məlumata görə, bu çərçivədə "Baku Media Center" ilə birgə "BakuBus"

29 may

Güclü külək əsəcək, şimşək çaxacaq, dolu düşəcək - SABAHIN HAVASI

Şənbə günü Azərbaycanda gözlənilən hava şəraiti açıqlanıb. . . Milli Hidrometeorologiya Xidmətindən Sonxeber.az-a verilən məlumata görə, mayın 30-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. . . Səhər bəzi yerlərdə duman olacaq, mülayim cənub-qər

29 may

Xaçmazda kütləvi yoluxma var?-TƏBİB-dən AÇIQLAMA

Xaçmaz rayonunda koronavirus infeksiyasına kütləvi yoluxma ilə bağlı müxtəlif xəbərlər yayılıb. Rayonun Köhnə Xaçmaz kənd ərazisində və Xaçmaz şəhərində 80-100 nəfərin koronavirusa yoluxması bildirilir. Sosial şəbəkələrdə yayılan müxtəlif xəbərlər sakinləri ciddi narahat edir.. . Bununla bağlı Sonxeber.az-d

29 may

Gülay Fərzəliyevadan ÜZÜCÜ XƏBƏR-Xəstəxanaya yerləşdirildi

Sosial şəbəkədə at çapmaqla fenomenə çevrilən Gülay Fərzəliyeva uzun müddət sevdiyi hobbisindən kənarda qalacaq.. . Sonxeber.az BAKU.WS-ə istinadən xəbər verir ki, bu barədə 12 yaşlı Gülayın "İnstagram" hesabında məlumat paylaşılıb.. . Bildirilir ki, o, yelləncəkdən yıxılarkən sağ ayağı dizdə

29 may