Türkiyə ordusu Azərbaycanda qalsın?-Hərbi EKSPERT

Azərbaycan və Türkiyə respublikaları arasında imzalanmış hərbi əməkdaşlıq haqqında sazişə əsasən Azərbaycanda hər iki ölkənin quru qoşunları və hərbi hava qüvvələrinin iştirakı ilə birgə genişmiqyaslı döyüş atışlı taktiki və taktiki-uçuş təlimləri keçirilir. Artıq dörd gündür davam edən təlimlər Azərbaycan cəmiyyətində böyük ruh yüksəkliyi ilə izlənilir. Buna baxmayaraq, koronavirus pandemiyası və ölkəmizdə tətbiq edilmiş xüsusi karantin rejimi türkiyəli hərbçilərin daha böyük təntənə ilə qarşılanmasına mane olub. Sosial şəbəkələrdə ordumuza dəstəyini ifadə edən istifadəçilər qardaş ölkənin hərbçilərinin bir hissəsinin Azərbaycanda qalmasını da təklif edirlər.

Bu barədə Sonxeber.az-a hərbi ekspert Ramil Məmmədli açıqlama verib.

Hərbi ekspert, "Azərbaycanın kifayət qədər inkişaf etmiş güclü ordusu vardır və öz təhlükəsizliyini qorumaq üçün digər dövlətlərin ordusuna ehtiyacı omadığını bildirib".

"Azərbaycan Silahlı qüvvələri 30 ilin ordusu olmasına baxmayaraq, döyüşlərdə böyük təcrübbəsi var və bir çox orduların 100 ildə keçdiyi yolu qısa müddətdə keçib. Bu gün ordumuz çox güclü olmasına baxmayaraq, bəzi insanlar düşünür ki, Türkiyə Silahlı Qüvvələrinin Azərbaycan ərazisində dislakasiya olması, yerləşdirilməsi ölkənin təhlükəsizliyi və digər ölkələrin ola biləcək hücumların qarşısını alacaq. Ancaq bilmək lazımdır ki, Azərbaycanın kifayət qədər inkişaf etmiş güclü ordusu vardır və öz təhlükəsizliyini qorumaq üçün digər dövlətlərin ordusuna ehtiyacı yoxdur".

Ramil Məmmədli, "Türkiyə Silahlı Qüvvələrinin Azərbaycan ərazisində mövcud olması dövlətimizin təhülkəsizliyinə nə qədər xeyir verərsə, bir o qədərdə dünyada siyasi imicinə zərər vura bilər"- deyə qeyd edib.

"Həmçinin hərbi-siaysi baxımında ölkəmizin dünyada və regionda manevr imkanlarını məhdudlaşdıra bilər. Qardaş Türkiyə Azərbaycana sadəcə beynəlxalq arenada siyasi baxımdan dəstək verməsi kifayət edəcəkdir. Azərbaycan Türkiyə ordusunun öz ərazisində yerləşdirilməsi ilə bağlı qərar verməz ,çünkü Azərbaycan "Qoşulmama Hərəkatı"-nın üzvüdür. Bununlada Azərbaycan heç bir bloka qoşulmamaqla bağlı qərar qəbul edib".

Türkay Həsənli

Telegramda izləyin

instagramda izləyin