"Canlı bomba" kimi niyə hicablı qadınları seçirlər?

Terror təşkilatları son dövrlər istər qardaş Türkiyədə, istərsə də Avropa ölkələrində tez-tez partlayışlar törədir. Artıq partlayışlar xüsusi qurğular və ya silahlarla yox, "canlı bomba"lar vasitəsilə törədilir. Qəribə məqam ondan ibarətdir ki, "canlı bomba" olaraq, çox vaxt hicablı qadınlar seçilir. Ekspertlər bu cəhdi İslamı gözdən salmağa cəhdlə, terror xarakterli din olduğuna inandırmağa çalışmaqla əlaqələndirirlər.
Türkiyəni qana bulayan hicablı qadın

Sonxeber.az bildirir ki, hərbi ekspert Azad İsazadə admiral.az-a deyib ki, əksər Avropa ölkələrində hicablı qadınlardan və müsəlman kişilərdən ehtiyat edirlər:
"Bunun əsas səbəbi odur ki, artıq bəzi terrorçu kişilər də hicab geyinir, belə olduqda, hicabın altındakı şəxsin kişi, ya qadın olmasını ayırd etmək mümkün olmur. Hicab sadəcə kamuflyaj vasitəsidir. Rayon və meşə ərazilərində yaşılı rəngli xüsusi formalardan, şəhərlərdə isə bu cür hicablardan və ya fərqli geyimlərdən istifadə etməklə kamuflyaj olunurlar. Təəssüflə deyə bilərik ki, bu gün hicab terrorçuların kamuflyajına çevrilib. Hicabdan istifadə edilməsinin əsas səbəbi odur ki, bədənə quraşdırılan partlayıcı qurğuların gizlədilməsinə imkan verir. Digər bir məsələ də var ki, hicablı qadına diqqət edən az olur".

Ekspert hesab edir ki, bu, İslamı gözdən salmaq, terroru dinlə əlaqələndirmək üçün atılan addımdır:

"Terror təşkilatları yalnız müsəlman ölkələrində deyil, xristian ölkələrində də kifayət qədərdi. Həmin ölkələrdə istər radikal dini, istərsə də digər xarakterli terror təşkilatları fəaliyyət göstərir. Bu cür qruplaşmaların milliyyətçi kökləri ilə yanaşı, dini tərəfləri mövcuddur. Bir sıra əzilmiş din tərəfdarları özlərini qorumaq üçün terror aktlarına əl atırlar".(milli.az)

Telegramda izləyin