Sentyabrda 190 manat birdəfəlik müavinət verilə bilərmi?-AÇIQLAMA

Xəbər verdiyimiz kimi Azərbaycan Respublikalasının Prezidenti avqustun 31-nə kimi sərt karantin rejimi tədbiq edilən 13 rayon və şəhərdə yaşayan işsiz insanlara 190 manat birdəfəlik müavinət verilməsi ilə bağlı göstəriş verdi. Qeyd edək ki, sentyabrın 15-də dərslərin ənənəvi qaydada açılması gözlənilir. Dərslərin başlaması ilə bağlı valideynlər övladları üçün məktəbli forması və ləvazimatlar almalıdır. Sərt karantinə görə bir çox müəssisələr fəaliyyətini dayandırdığı üçün bu insanlar da müəyyən qədər maddi çətinlik yaradıb. Bunu nəzarətə alaraq sentyabr ayında da 190 manat birdəfəlik müavinət verilə bilərmi?

Bununla bağlı Sonxber.az-a danışan deputat Aydın Mirzəzadə bildirib ki, 190 manat birdəfəlik müavinət işsizliyə görə verilən maddi yardımdır:

"Bunun başqa təyinatı yoxdur. Sərt karantin rejimi tədbiq edilən 13 rayon və şəhərdə yaşayan işsiz insanlar üçün avvqust ayı üçün 190 manat birdəfəlik müavinət veriləcək. Ümid edək ki, yoluxmanın sayı o səviyyə çatacaq ki, sərt karantin rejimi götürüləcək. Bütün iş yerləri açılacaq və insanlarımızın hər biri işləyəcək. Məktəbə hazırlıq işini öz hesabları sayəsində həll edə biləcək. Sentyabr ayında 190 manat birdəfəlik müavinət veriləcəyi ilə bağlı bir söz demək çətindir".

Aysel Yusifqızı

Telegramda izləyin