Yaxın 4 ildə Azərbaycanda aşağı inflyasiya proqnozlaşdırılır-EKSPERT

Azərbaycan Maliyyə Nazirliyinin məlumatına görə, 2021-2024-cü illərdə Azərbaycanda istehlak qiymətləri indeksi orta hesabla 2,8% artacaq. Bu göstəriciyə əsasən Azərbaycan hələ postsovet məkanında ən yaxşı mövqelərdən birini tutur. MDB ölkələri Dövlətlərarası Statistika Komitəsinin məlumatına görə, koronavirus pandemiyası və enerji böhranının yaratdığı iqtisadi problemlər qiymətlərdə ciddi artımla nəticələnib. Müqayisə üçün ilin birinci yarısındakı məlumatlara görə, Rusiyada orta inflyasiya səviyyəsi 3,1%, Belarusiyada 5,3%, Gürcüstanda 5,7%, Qazaxıstan 7,1%, Özbəkistanda təxminən 14% təşkil edir.

Bu barədə Sonxeber.az-a iqtisadçı-ekspert Rəşad Həsənov açıqlama verib.

Rəşad Həsənov, hazırki, şərtlər daxilində inflyasiyaya nəzarət olunan çərçivədə olduğunu söyləyib.

"Hazırki, şərtlər daxilində inflyasiyaya nəzarət olunan çərçivədədir. Düzdür rəsmi rəqəmlər tam olaraq situasiyanı özündə əks etdirə bilmir. Çünki bizim hesablamalarımıza görə təxminən bazarda inflyasiya 5-5.5 faiz ətrafındadır. Rəsmi rəqəmlərə görə indiki halda 3% ətrafında dəyişib.

Ümumiyyətlə həm beynəlxalq təşkilatların, həm də bizim qiymətləndirmələr göstərir ki, 2021-2024 ci illər arasında Azərbaycanda inflyasiya səviyyəsi təxminən 5-9 faiz arasında dəyişəcəkdir. Burada müəyyən gözləntilər olsa da əslində bu gözləntilər nisbətən aşağı salınıbdır. Aşağı salınmasının səbəbi ondan ibarətdir ki, faktiki olaraq alıcılıq gücünün pandemiya dövründə azalması inflyasiya təyziqlərini müəyyən qədər neytralaşdıran faktor kimi çıxış edəcəkdir.

Amma digər tərəfdəndə pandemiya və post-pandemiya dövrü dünya bazarlarında da müşahidə edilə bilən istehsalın azalması qiymətlərin müəyyən qədər artmasını şərtləndirir ki, bu da Azərbaycanda idxal inflyasiyası istiqamətində təyziqləri artırır.

İqtisadçı ekspert, Azərbaycan üçün əsas riskin məhz manatın məzənəsi ilə bağlı olduğunu söyləyib.

Azərbaycan üçün əsas risk məhz manatın məzənəsi ilə bağlı olan məsələdir. Dövlət proqnoz büdcəsində 2021-ci ildə manatın 1 ABŞ dollarına qarşı hazırki məzənəsinin qorunacağı ehtimalı olunur. Amma istənilən halda məzənədə xarici fruktasiyalara açıqlıq ciddi səviyyədə qalmaqdadır. Bu neftin qiymətinin hansı istiqamətdə dinamika nümayiş etdirməsindən aslı olacaqdır. Gələcəkdə indiki səviyyədə proqnozlaşdırılmış inflyasiyalara manatın məzənəsinin dəyişməsi nəticəsində təsirlər formalaşa bilər.

Rəşad Həsənov bildirib ki, bu şərtlər daxilində də məzənnənin yumşalması növbəti dövrlərdə idxal inflyasiyasının kəskin şəkildə dəyişə bilər.

Azərbaycan ümumiyyətlə götürəndə istehlak bazarında idxaldan aslı ölkədir. Yerli istehsal ya azdır, ya da rəqabətli deyil. Bu şərtlər daxilində də məzənənin yumşalması növbəti dövürlərdə idxal infilyasiyasının kəskin şəkildə dəyişə bilər. Buna görə də proqnozların üzərində bir göstəricinin formalaşmasına gətirib çıxarda bilər.

Telegramda izləyin

instagramda izləyin