Saç uzatmanın təbii ÜSULLARI - Qadınlara ÖZƏL məsləhət

Müasir tibbdə bir çoxları saçını kosmetikanın, kimyəvi vaistələrin köməkliyi ilə uzadır. Sağlamlığa və büdcəyə ciddi ziyan vuran bu vaistələri təbii üsullarla əvəz etmək mümkündür.

Sonxeber.az lent.az-a istinadla saçların təbii və ucuz üsulla uzatma yollarını təqdim edir:

Su için

Saçının uzanmasını istəyən hər kəs ilk növbədə gün ərzində 1-1,5 litr su içməlidir. Kifayət qədər su içdikdə baş dəriniz və saç telləriniz ehtiyacı olduğu nəmi əldə edəcək və saçınız parlaq görünəcək.

Saç dərinizi masaj edin

Başa edilən masaj qan dövranını surətləndirir. Bu isə hüceyrələrin tam fəaliyyəti deməkdir. Davamlı olaraq, başınızı dairəvi formada yavaş masaj etsəniz, saçlarınız tez uzanacaq.

Alma sirkəsi və gicitkan

Saçının tez uzanmasını istəyən şəxs (buna əks-göstərişlər yoxdursa) hər gün bir stəkan suya bir xörək qaşığı alma sirkəsi əlavə edib içməlidir. Bundan əlavə, gündəlik bir stəkan təzə və ya qurudulmuş gicitkan çayı içməyiniz məsləhətdir.

Saç kəsdirmək

Saç uzatmanın ən sadə və asan formullarından biri də saç kəsdirməkdir. İki aydan bir saçların uc hissəsi kəsilərsə, o saç yenilənər və uzanar.

Lavanda dəmləməsi

Bir xörək qaşığı lavandanı 2 stəkan isti suda dəmləyin. Təmiz bir qabda gözləyin və ilıq suya əlavə edin. Hamamdan çıxmazdan əvvəl saçlarınızı bu su ilə yuyun. Lavanda həm saçı gücləndirir, həm də gözəl qoxu bəxş edir.

Telegramda izləyin

instagramda izləyin