Kimyəvi təmizləmə şirkətindən şikayət: "Paltarımı yandırıb, ödəniş etmirlər" - FOTO

"Brillo" quru kimyəvi təmizləmə məntəqəsi ilə bağlı Sonxeber.az-a şikayət daxil olub.

Belə ki, şikayətçi Könül Məmmədova "Brillo" quru kimyəvi təmizləmə məntəqəsinə paltarını verib və paltarı götürməyə gedən zaman üzərində ağ ləkələrin olduğunu görüb. Onun sözlərinə görə, şirkət həmin ləkələrin paltar yuyulduqdan sonra üzə çıxan tər yanıqları olduğunu iddia edir. Şikayətçi isə paltar ora gətirilən zaman elə ləkələrin olmadığını bildirib.

Könül Məmmədovanın sözlərinə görə, o, administratorla danışıb və paltarın öz qiymətindən daha ucuz ödəniş edilməsini tələb edib. Bunun qarşılığında isə administrator şikayətçiyə gülüb və "Güya sizin evinizdə ikinci paltarınız yoxdur ki?! Kimyəvi təmizləməyə paltar verən birinin ola bilməz ki, ikinci paltarı olmasın" deyə cavab verib.

Şikayətçi toya getməli olduğunu bildirsə də, onlar yalnız 5 gün ərzində paltarı boyayıb təhvil verəcəklərini, hər yanan paltar üçün pul ödəmədiklərini deyiblər.

Saytımız "Brillo" quru kimyəvi təmizləmə məntəqəsinin admniistratoru Kəmalə İsmayılova ilə əlaqə saxlayıb.

O, təlimata uyğun iş gördüqlərini və təqsirsiz olduqlarını bildirib:

"Bizə o paltar veriləndə mən burada olmamışam. Paltara kimyəvi vasitə vurulduqdan sonra onda olan tər yanıqları üzə çıxdı. Biz hər şeyi paltarın təlimatına uyğun etmişik. Hətta bir neçə ustaya da bunu görsətmişik. Onlar da bizim dediyimizi təsdiqləyiblər. Xanım bizə iki paltar vermişdi. Biri yuyulmalı, digəri isə kimyəvi təmizlənməli idi. Yuyulan paltarda tər yanıqları yarandı. Biz xanıma izah etməyə çalışdıq ki, paltarın məhz bizdə belə olub-olmadığını araşdırmadan sizə ödəniş edə bilmərik. Xanım isə israrla ödəniş tələb edir, bundan başqa paltarının olmadığını deyirdi. Bəli, mən buna güldüm və bir qadının sadəcə bir paltarının olduğuna inanmadığımı bildirdim".

Telegramda izləyin

instagramda izləyin