16 ay teatrsız qalan aktyorlardan ETİRAZ: Biz yaşamırıq

16 ay teatrsız qalan aktyorlardan ETİRAZ: Biz yaşamırıqArtıq iki ilə yaxındır ki, pandemiya ilə əlaqədar bir çox məkanlar, mədəniyyət ocaqları, eləcə də teatrların fəaliyyəti dayandırılıb. Bu müddət ərzində isə bir çox teatrların əməkdaşları işsiz qalıblar. Sənət adamlarından kimi sosial şəbəkədə etirazını bildirib, kimi Operativ Qərargaha səslənib.

Sonxeber.azxəbər verir ki, axşam.az sənət adamlarından teatrsız 16 ayı necə keçirdiklərini soruşub:

Xalq artisti Məleykə Əsədova teatr üçün darıxdığını deyib:

"Teatr üçün çox darıxmışam. Yəqin ki, bu mövsümdə açılar".

Xalq artisti Naibə Allahverdiyeva açıq havada tamaşa oynamağı məsləhət görüb: "Ana öz balası üçün necə darıxarsa, biz aktyorlar da səhnə üçün elə darıxırıq. Səhnəsiz ruhumuz çöküb. Pandemiya tüğyan edir, bu vəziyyətdə nəyin necə olacağını bilmək çətindir. Amma bir yenilik edə bilərlər: havalar soyuyana qədər açıq havada da tamaşa göstərə bilərik. Tamaşaçılar da maraqla qarşılayar".

Xalq artisti Firəngiz Mütəllimova isə koronovirus infeksiyasının yayıldığı ərəfədə teatrların qapalı qalmasının tərəfdarı olduğunu söyləyib: "Çox çətindir, teatr canlı və kollektiv sənətdir. Təsəvürünüzə gətirin, bu üçüncü dalğanın başladığı vaxtda, xəstə sayının artdığı ərəfədə kollektiv sənətdə nələr ola bilər. Hərə bir evdən gəlir. Bu qədər ayı, ili səbrlə dözmüşük. Sənət dostlarıma demək istərdim ki, bir az da səbr edək, gözləyək. Hər yer mərhələ-mərhələ açılır. Növbəti dəfə bizim teatrlar da açılar. Sənət dostlarımın səhnəyə sağ-salamat gəlib çıxmalarını arzulayıram. Tək biz yox, bütün dünya bu dəqiqə bu bəladadır. Virusu ağır da, asan da keçirən olur. Ehtiyatlı olmaq lazımdır. Ona görə də deyirəm ki, dözək, salamat səhnəyə qayıdaq və rollarımızı oynayaq.

Əməkdar artist Nahidə Orucova bildirib ki, teatrsız ona çətindir: "İki ildir biz teatrsızıq. Belə şey olar? Hərdən efirə gedirdik, qurdumuzu öldürürdük. İndi efir də yoxdur, verilişlər mövsüm finalına çıxıb. Qalmışıq çəkilişsiz. Teatrsız necə olaq? Hər yer açılıb, bir teatrdan başqa. Belə çıxır ki, heç yerdə Covid-19 yoxdur, bircə teatrda var? Kinoteatrlar və teatrlarsız olmaz. 43 ildir ömrümü səhnəyə həsr etmişəm. Səhnə məni yaşadırdı. İndi necə olum? Çarəsizik... Gözləyirik, yalvarırıq ki, sentyabrda açsınlar. 16 ay işsiz qalmışıq, bütün məşqlər sıfırdan başlamalıdır. Bizi yaşadan teatr, səhnə, tamaşaçılardır. Biz tamaşaçıdan enerji alırıq. Nə yaxşı bir az enerjimiz qalıb. Belə davam etsə, o da bitəcək. Nədən enerji alaq? Elə bil birdən-birə teatr heç kimə lazım olmadı. Çox üzücüdür, xoşagələn hal deyil. Həsrətlə gözləyirik ki, səhnəmiz açılsın. Gedək o səhnənin tozunu, iyini udaq. İndi yaydır rayonlara gedib, dincəlirik, təbiətdən zövq alırıq, nəfəs aldıq. Qışda belə olsa, nə edəcəyik? Aktyor işsiz paslanır. Yenidən əvvəlki tempə qayıtmaq çətin olacaq. Pas atıb gedirik".

Əməkdar artist Anar Heybətov teatrların qapalı qalmasının sənət adamları üçün uğursuz olacağını açıqlayıb: "Çox çətindir. Aktyor teatrsız susuz balıq kimidir. Hər yerə icazə var, təkcə teatrlardan başqa. Niyə? Vaksin olunanlar həm işə, həm də tamaşaya gələ bilərlər. Belə getsə, nəticə yaxşı olmayacaq. Ən yaxşısı teatrlar açılsın, biz də işə başlayaq. Gələcəkdə lazım bilərlərsə, tamaşaçılar üçün uyğun üsul taparlar. Az sayda tamaşaçı ilə tamaşa oynamaq olar. Restoranlar, toylar, ticarət mərkəzləri açılıb. Bəs teatr? Nə bilim...".

Əməkdar artist Sənubər İsgəndərli də dəfələrlə sosial şəbəkədə teatrların bağlı qalmasına etirazını bildirib. "Əgər Covid-19 pasportu ilə hər yerə getmək olarsa, niyə teatrlara, kinoteatrlara həmin pasportla getmək olmaz? Pandemiya imkan verdi ki, bir çox şeyə kənardan baxdıq. Sənətə, həyata, insanlara baxışımız dəyişdi. Ona görə də düşünürəm ki, dəyişikliklər çox olacaq. Əvvəlki kimi heç nə olmayacaq. Çıxış yolları, variantları tapmaq lazımdır. İşimizə qayıtmaq üçün işlər gedir. Ən əsası məsələ isə odur ki, qayıdandan sonra biz tamaşaçıya nə deyəcəyik, hansı mövzulara müraciət edəcək, nələri qabardacağıq. İnandırım sizi ki, həmkarlarımdan kimdən soruşsanız eyni söz deyiləcək: balığı sudan çıxaranda necə olar? Teatr bizim evimizdir, insanı evindən çıxaranda necə olar? Teatr canlı sənətdir. Min onlayn tamaşa olsun, mükün deyil. Aktyor tamaşaçı nəfəsin duymalıdır. Onda o sehir baş verir. Bu sənətə ömrünü verən, onu yaşadan sənətkarlar və onun yolunu gözləyən, sevən tamaşaçılar var. Bir ildir teatrlar bağlıdır. Belə davam edərsə, bu, teatr sənətinin məhvi olacaq. Demirəm, teatrlar açılan kimi tamaşa oynanılsın, tamaşaçı gəlsin, onsuz bu mümkün deyil. Amma yeni tamaşaların məşqinə başlaya bilərik ki, sabah teatrın pərdələri açılanda tamaşaçılarımızın qarşısına çıxa bilək" deyə, aktrisa müxtəlif vaxtlarda məsələ ilə bağlı etdiyi paylaşımlarında bildirib.

Əməkdar artist Tünzalə Əliyeva tamaşa oynamaq üçün darıxdığını deyib:

"Çox çətindir, aktrisa səhnədə böyüməli, yetişməli, ölməlidir. İndi dünya bu bəladadır. Biz də qaydalara əməl edirik. Bəlkə yaxın günlərdə açılar, tamaşalarda oynayarıq".

Aktrisa Zümrüd Qasımova isə teatrsız qalan aktyorların yaşamadığını bildirib:

"İki ilə yaxındır ki, tamaşa yoxdur. Pandemiya aktyorlara pis təsir etdi. Yaşayıram, dövlət maaş da verir. Amma hiss etdim ki, mən teatrsız hamıdan birinə çevrildim. Teatrsız həyat yoxdur. Film yox, teatr adamları fərqlidir. Başa düşdüm ki, biz yaşamırıq, elə-belə mövcuduq. Mənim üçün teatrsızlıq böyük faciədir. Tamaşaçı ilə ünsiyyət həyatdır. Hər zaman deyirəm ki, iki həyatım var: biri real, digəri teatrdakı. İkili həyat yaşamışam. İndi isə bir həyatı yaşamağa məcbur oldum. Teatrsız həyat istəmirəm. İstəyirəm səhnə, məşqlər olsun. Deyirlər peyvəndlənmə 80 faizə çatanda teatr açılacaq. Teatr canlı sənətdir. İndi və burada baş verir. Onlayn tamaşa oldu. Teatr aktyorunu başa düşməzlər. Bizim var olmağımızdır. Bir çox sənət adamları etiraz etdi".


Sonxeber.az Telegramda izləyin instagramda izləyin
Mədəniyyət   Baxılıb: 2276   Tarix: 25 avqust 2021  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Alişan Bakıdadır - Konsert verəcək + FOTO

Türkiyəli müğənni Alişan Bakıdadır. xəbər verir ki, bu barədə ifaçı instaqram hesabında yazıb. Alişan paytaxtda məkanların birində konsert verəcək. Qeyd edək ki, bundan əvvəl Alişanın bu yay Bakıda planlaşdırdığı konserti təxirə düşmüşdü

11 sentyabr 2021
.

Yeni mövsümdə tamaşaçılar Azərbaycan teleməkanında hansı serialları izləyə biləcəklər? - FOTO

Telekanallar yeni mövsümün həndəvərindədirlər. Və bu o deməkdir ki, kanallarda həm də yeni serial mövsümünün başlamasına çox az qalıb. Əvvəla onu deyək ki, serial süjet xətti bir-biri ilə bağlı olan və ya olmayan telefilm silsiləsidir. İlk serial – "Farevey Hill" 1946-cı ilin oktyabrından dekabrın

5 sentyabr 2021
.

Sayı 100-dən artıq Gəncə bəy evləri – VİDEO

Gəncə bəylərinin evinin yaşı XVII əsrin əvvəllərinə təsadüf edir. XVII əsrin ortaları və XIX əsrin əvvəllərində xüsusi memarlıq üslubunda tikilən belə evlərin sayı daha da artıb. Buna səbəb XVII əsrdən başlayaraq Gəncədə yaşayan və əsasən ticarətlə məşğul olan insanların digər ölkələrlə ticarət əlaqələr

12 sentyabr 2021
.

Məktəbli qızla evləndi, xanımına görə onu hədələdilər...

Bu gün böyük kamança ustası, Xalq artisti Habil Əliyevin anım günüdür. -a istinadən bu münasibətlə onun haqqında 10 maraqlı faktı təqdim edir. 1. Habil Əliyevin virtuoz çalğısını musiqi biliciləri dahi Paqanininin ifaçılığı ilə müqayisə edirlər. 2. Xanəndə Yaqub Məmmədov uşaqlıq dostu olublar. Müharibədə

8 sentyabr 2021
.

Yaqub Zurufçunun dəfn olunacağı yer AÇIQLANDI

Koronavirusdan vəfat edən Əməkdar artist Yaqub Zurufçunun dəfn olunacağı yer müəyyənləşib. xəbər verir ki, Yaqub Zurufçu bu gün "Qurd qapısı" qəbristanlığında Xalq artistləri Arif Quliyev və Rəmişin məzarları yanında torpağa tapşırılacaq. *. Koronavirusdan vəfat edən Əməkdar artist Yaqub Zurufç

15 sentyabr 2021
.

Beşinci əsrə aid qədim Qum məbədi necə qorunur? – VİDEO

Azərbaycanın hər daşında bir tarix var. Qaxda yerləşən Qum məbədi də tariximiz üçün ən dəyərli abidələrdən hesab olunur. Bu tikili qədim albanların şimal-qərb bölgəsindəki dini məbədlərinin mərkəzi kimi bilinir. Ancaq, Baku TV-nin qaynar xəttinə məbəddə mühafizəçinin olmadığı, məbədin həyətində hasarı

18 iyul 2021
.

Kann Kinofestivalında ilin ən yaxşı aktyoru və aktrisası

Amerikalı aktyor və musiqiçi Kaleb Landri 74-cü Kann kinofestivalının "Ən yaxşı aktyor" naminasiyasında qalib olub. TASS agentliyinə istinadən xəbər verir ki, 31 yaşlı aktyor rejissor Castin Kurzelin "Nitram" filmindəki roluna görə bu mükafata layiq görülüb. "Ən yaxşı aktrisa"

18 iyul 2021
.

"Kinoteatrların açılması təqdirəlayiq olar" - DEPUTAT

Artıq iki ilə yaxındır ki, ölkəmizdəki pandemiya səbəbindən tamaşaçılar teatr, kinoteatr və konsert zallarına həsrət qalıblar. Hər sahədə, az da olsa, yumşalmalar var, hətta toy məclislərinin keçirilməsinə, iri ticarət obyektlərinin açılmasına icazə verilib, lakin nədənsə kinoteatrlar və teatrların açılmas

18 avqust 2021
.

İnsult keçirən Arif Babayevdən XƏBƏR VAR

Oğlu Yaşar Babayev Xalq artisti Arif Babayevin səhhətindən bəhs edib. xəbər verir ki, Y.Babayev MTV-yə açıqlamasında xanəndənin müalicəsinin yaxşı getdiyini deyib. O bildirib ki, atası hazırda Türkiyədə həkim nəzarətindədir:. "Atam yavaş-yavaş sağalır. İki həftəyə Azərbaycana qayıdacaq. İnsult keçirmişdi

16 iyul 2021