Şərurlu İsfəndiyar məscidlərlə bağlı səsləndirdiyi fikrə aydınlıq gətirdi - AÇIQLAMA

Bir neçə gün əvvəl "Müsavat" Tv-nin efirində müsahibə verən "Şərur MTK"nın sahibi İsfəndiyar Axundov səsləndirdiyi "Əlimdə olsa, məscidləri söküb məktəb tikdirərəm" fikrinə görə sosial mediada tənqid olundu.

İsfəndiyar Axundov gündəm olan bu fikirləri barədə Sonxeber.az -a açıqlama verib:

"Bir necə gün öncə "Müsavat" Tv-nin efirində müsahibədə olarkən aparıcının dinlə bağlı verdiyi suala cavabım bəzi insanlar tərəfindən yanlış anlaşılıb. Mən Allaha inanmıram sözü işlətməmişəm "bəzi dindarlara inanmıram" demişəm bu da bütün dindarlara şamil olunmur. Söhbət o dindarlardan gedir ki, dünyada cərəyan edən İslam adı altında, din adı altında terror qruplarını təşkil edən və eyni zamanda Azərbaycan dövlətinin təməlini, din pərdəsi altında baltalayan, din çadrasına bürünmüş dövlətçiliyimizin, xalqımızın bugünki firavan həyatimizin müxalifi olan ünsürlər haqqında fikir bildirmək istəmişəm. Sadəcə izzahatim biraz doğru olmayıb, fikrimi tam çatdıra bilməmişəm. Sözüm xaricdən maliyyələşərək məqsədli şəkildə xalqımızın mentalitetinə və dini dəyərlərimizə zidd fəaliyyət göstərən bəzi "dindarlara" idi.
Sir deyil ki, dini radikalizm müasir dövrümüzün ən çox narahatlıq doğuran əsas problemlərdən biridir. 20-ci əsrin sonlarından başlayaraq, istər islami dini cərəyanlar arasında, istərsə də qeyri-islami dinlərdə radikallaşma meyilləri çoxluq təşkil edir. Baxın, din uğrunda aparılan müharibələr, yaxud din pərdəsi altında həyata keçirilən işğalçılıq siyasəti də dini radikalizmin bir nümunəsidir. Dövrümüzdə dini radikalizm məzhəblər və dinlərarası dözümsüzlük, zorakılıq və dini motivlərlə törədilən terror aktları nəzərə çarpacaq dərəcədə artıb. Təəssüflər olsun ki, son illərdə islam radikalizmin kəskin yüksəlmişidir və mən bundan qorxuram demək isdəmişəm, bunların hamısını efirdə saya bilmədim, bir kəlimə dedim ki, "Allaha inanıram sadəcə dindarlardan qorxuram" çünki sadaladığım tərəfdən formalaşan "dindarlar" əlbətdə ki, həm dünyaya həm də Azərbaycana, dövlətçiliyimizə, insanlığa, dinimizə qarşı böyük bir təhlükədir. "Allahu Əkbər" şüari ilə baş kəsən, bombalar partladan, terror aktı törədən dindarlardan gedir söhbət. Biz bunun şahidi olmuşuq, istər "meşə qardaşları" istər də Bakı şəhərində olan "Əbubəkir" məscidində olan partlayiş yaradanları və sair buna bənzər olan, din pərdəsinə bürünən dindarları deyirəm. Mən dinimizin, dini dəyərlərimizin əlehinə deyiləm, heç bir zaman da olmamışam. Mənim adım soyadım, ata adım, övladlarımın adı hamısı dinə bağlı olan adlardır. dinin əlehinə olsaydım övladıma dini ad verərdim mi heç?
Bu sadəcə mənim fikirimi tam olaraq çatdıra bilmədiyimdən irəli gələn bir nüans olub. Əsla və əsla dinə qarışı deyiləm, olmaram da".

Telegramda izləyin