Koronavirus nə zaman ölümcüllüyünü itirib adi xəstəliyə çevriləcək?

2 ilə yaxın müddətdir ki, pandemiya ilə mübarizə aparırıq. Bu xəstəlik qripə bənzəsə də, təəssüf ki, biz bundan qrip kimi rahat sağala bilmirik. Nəinki sağalmaq, hətta hələ də ölənlər var. Bəs nə vaxt koronavirus bizim üçün ölümcül olmayıb, adi xəstəliyə çevriləcək?

Məsələ ilə bağlı Sonxeber.az-a açıqlama verən infeksionist Akif Qurbanzadə bildirib ki, bunun üçün hamı vaksinasiya olmalıdır:

"Koronavirusun bizim üçün adi olduğu bir dövrə gəlmək istəyiriksə, hər kəs ya bu virusa yoluxmalıdır, ya da hamı vaksinasiya olmalıdır. Vaksinasiya tam yekunlaşsa, "COVID-19" qrip və qripə bənzər soyuqdəymə xəstəliklərinin sırasında olacaq".

Aytəkin CƏLALİ

Telegramda izləyin