Mikrodalğalı sobadan təhlükəsiz necə istifadə edək?

Mikrodalğalı sobada isidilən, hazırlanan qidada kanserogen maddələr yarandığı sübut edilib.

Sonxeber.az Medicina.az-a istinadən xəbər verir ki, rusiyalı dietoloq həkim Nataliya Kruqlova mikrodalğalı sobada plastik qabda qidanın qızdırılmasının insan üçün ölümcül və dəhşətli fəsadları ola biləcəyini açıqlayıb.

O qeyd edib ki, qidanın plastik qabda, birdəfəlik qabda, marketdən alındığı plastik paketdəcə mikrodalğalı sobada buzunun açılması, isidilməsi, hazırlanması onkoloji xəstəliklərin inkişafına zəmin yarada bilər:

"Plastik ilə sobanın isti və şüa dalğalarının təsirindən yaranan zərərli birləşmələr qida ilə orqanizmə daxil olur. Əgər bu bir-iki dəfə baş verərsə, ciddi təsiri olmaz. Amma hər gün mütəmadi mikrodalğalı sobada plastik qabda yemək qızdırmaq birbaşa riskdir. Mikrodalğalı sobada orqanizm üçün təhlükəsiz şüşə qabdır.

Ümumiyyətlə qidaların təkrar isidilməsindən uzaq durmaq lazımdır. Hər dəfə termik işləmə qidanın tərkibini dəyişir, orda zərərli birləşmələr yaradır".

Qeyd edək ki, həkimlər qidanın klassik qaydada, sobada, qaz üzərində normal qabda isidilməsini məsləhət görür.

Telegramda izləyin