Siqaret bahalaşdı: oğurluq artacaq? - AÇIQLAMA

Bu gündən, siqaret daxil lmaqla, bəzi məhsulların qiymətində rəsmi bahalaşma olub. Bəziləri bahalaşmanın oğurluq kimi cinayətlərin artmasına səbəb olacağını iddia edirlər.

Məsələ ilə bağlı Sonxeber.az-a deputat Ceyhun Məmmədov fikir bildirib.

Onun sözlərinə görə, insanları zərərli vərdişlərdən çəkindirmək üçün maarifləndirici təbliğat işləri gücləndirilməlidir:

"Düşünmürəm ki, qiymət artımı birbaşa cinayətlərin artmasına öz təsirini göstərəcək. Bütün cəmiyyətlərdə cinayət hadisələri baş verir və hüquq mühafizə orqanları bununla mübarizədə öz tədbirlərini görürlər.

Cinayətlərin səbəbləri, kökləri var. O köklər araşdırılmalıdır və onlarla mübarizə aparılmalıdır. Biz insanları zərərli vərdişlərdən çəkindirmək üçün maarifləndirici təbliğat işlərimizi gücləndirməliyik. Qiymət dəyişikliyinin sırf cinayət statistikasına təsir edəcəyi fikri ilə tam razı deyiləm. Müəyyən təsiri ola bilər, amma bu məsələnin başqa səbəbləri var. Biz sadəcə kökləri axtarıb, mübarizə aparmalıyıq".

ZAİRA AKİFQIZI

Telegramda izləyin