Maradona ürəyi olmadan dəfn olunub

Əfsanəvi argentinalı hücumçu Dieqo Maradona ürəksiz dəfn olunub. Bu barədə həkim, yazıçı və jurnalist Nelson Kastro bildirib.

Onun sözlərinə görə, "Gimnasia La Plata" klubunun bir qrup azarkeşi Maradonanın ürəyini çıxarmaq istəyib. Bu barədə məlumat yayılanda həkimlər dəfn mərasimindən əvvəl bu orqanı keçmiş futbolçunun bədənindən çıxarıblar.

Bundan əlavə, ürək həm də argentinalı hücumçunun ölüm səbəbini müəyyən etmək üçün lazım idi.

"Maradonanın ürəyi yarım kiloqram idi, bu, çox böyükdür. Ürəyin çəkisi adətən 300 qram olur. Baxmayaraq ki, o, idmançı idi (başqalarından daha böyük bir ürəyə sahib olurlar), bunun başqa səbəbi də olub. Məsələ ürək çatışmazlığında idi", - deyə Kastro izah edib.

Xatırladaq ki, Maradona 25 noyabr 2020-ci ildə vəfat edib. Noyabrın 3-də keçmiş idmançıya beyində subdural hematoma diaqnozu qoyulub.

Futbolçu kimi Maradona "Arxentinos Xuniors", "Boka Xuniors", "Barselona", "Napoli", "Sevilya" i "Nyuells Old Boyz" klublarında çıxış edib. Argentina millisinin heyətində 91 matçda iştirak edib, 34 qol vurub. 1986-cı il dünya çempionatının sonunda Maradona turnirin ən yaxşı oyunçusu kimi tanınıb. Növbəti dünya çempionatında forvard yarışın gümüş mükafatçısı olub./Oxu.az

Telegramda izləyin