Polis kürəyindən BIÇAQLANDI - ANBAAN VİDEO

Şübhəli şəxs ona xəbərdarlıq edən polisi kürəyindən bıçaqlayıb.

Sonxeber.az-ın "DHA" agentliyinə istinadən verdiyi məlumata görə, hadisə Türkiyənin İzmir şəhərində baş verib.

Küçədə bir anda qışqırmağa başlayan şəxsə asayişi pozduğuna görə polislər xəbərdarlıq etmək üçün yaxınlaşıblar.

Xəbərdarlığa görə əsəbiləşən M.G adlı şəxs cibindən çıxardığı bıçaq ilə polis əməkdaşı Erol Yavuz Y.-yə hücum edib və onun kürəyindən vuraraq qaçıb. Digər polis əməkdaşı isə cinayətkarın arxasınca düşüb. Yaralanan polis Erol Y.Y. onu bıçaqlayanın dayanması üçün atəş açaraq ayağından vurub.

Xəstəxanada müalicə edilən polis məmuru və cinayətkarın səhhətinin yaxşı olduğu bildirilir.

Bu anlar ətrafdakı iş yerinin təhlükəsizlik kamerası vasitəsi ilə qeydə alınıb.

Telegramda izləyin

instagramda izləyin